Барате работа, но не знаете каде и како? LinkedIn нуди бесплатни онлајн курсеви за најбараните вештини во 2021 година!

Homepage › News › Aktualno › Барате работа, но не знаете каде и како? LinkedIn...

01/18/2021

Барате работа, но не знаете каде и како? LinkedIn нуди бесплатни онлајн курсеви за најбараните вештини во 2021 година!

Без разлика дали сакате да пробате нешто ново или да се подобрите во она што го правите сега, би било добро да знаете што е тоа што работодавците го бараат во моментов!

LinkedIn собра податоци за најбараните работни места, од софтверско програмирање, преку дигитален маркетинг, до управување со проекти. Покрај тоа што ги собра најбараните занимања на едно место, LinkedIn ги истражуваше и најбараните карактеристики на идните вработени.

За да им помогне на луѓето во потрагата по работа, LinkedIn обезбеди серија бесплатни онлајн курсеви. Не ви е потребна корисничка сметка на LinkedIn Learning за пристап - само кликнете на линковите и следете ги курсевите.

Ако сакате да добиете диплома на крајот од курсот, сепак ќе ви треба претплата на LinkedIn Learning. Може да го испробате бесплатно еден месец, по што плаќате 29,99 долари месечно или 19,99 долари месечно ако се претплатите за една година.

Целосното членство ви дава неограничен пристап до сите курсеви за учење на LinkedIn, без дополнителни трошоци за професионални сертификати.

Еве што најмногу се бара и што во моментов е највредно за да се добие диплома:

Развој на софтвер

Python за основно разбирање на Data Science: Воведен курс на популарниот програмски јазик Python, со вклучен чекор-по-чекор проект за Data Science.

Основи на програмирање: Дознајте ги основите на објектно-ориентиран дизајн, кој ги учи програмерите да планираат програми во контролни делови пред да започне процесот на кодирање.

Основи на програмирање: Алгоритмите се клучни за програмирање, и овие воведни предавања ги опфаќаат нивните основи.

Проект менаџмент

Scrum Master: За да добиете Scrum Master сертификат ќе треба да положите испит. Овој курс ве води низ она што треба да го знаете за да полагате испити како што се Certified Scrum Master (CSM) или Professional Scrum Master (PSM).

PMI Agile Certified Practitioner (PMI-ACP): Агилниот пристап кон управување со проекти се состои во брза адаптација кон индустријата што брзо се менува.

Анализа на податоци

Основна обука за SQL: Овој курс обезбедува детален преглед на најкористениот јазик за анализа на податоци, со практичен развој на мал проект.

Data Science & Analytics, кариерна патека и сертификати: Заинтересирани сте за кариера во Data Science, но не сте сигурни од каде да започнете или какви работни места има на пазарот? Тогаш ова е вистинскиот курс за вас.

Six Sigma: На овој курс, ќе ги научите основите на најчесто користената методологија за анализа на податоци фокусирани на клиенти.

Дигитален маркетинг

Алатки за маркетинг: Научете како да користите различни видови на маркетинг алатки, од социјални медиуми и е-пошта до дигитално рекламирање и оптимизација.

Продукт менаџмент

Продукт менаџер: Овој курс одговара на сите ваши прашања и ги опфаќа главните вештини што ви се потребни за да продолжите со кариера во оваа област.

Aktualno

Декември е далеку, ама на фирмите им се брза – фрчат резервации за предновогодишни забави
Со приближувањето на крајот на годината, атмосферата во корпоративниот свет станува сè повесела и поопуштена, додека многу компании започнуваат подготовки за традиционалните предновогодишни забави. Овие настани не се само можност за одбележување на деловниот успех, туку и можност да се наградат вработените за нивната посветеност и ангажираност во текот на целата година.
Компаниите освен сметководител и адвокат ќе мора да ангажираат ИТ- професионалци за да напредуваат
Секоја компанија ќе мора да ангажира ИТ-професионалци или компанија за да може да се носи со предизвиците на новото време. И од бизнис-секторот се согласуваат дека дигитализацијата е клучна за подобрување на нивното работење, односно зголемување на ефикасноста, продуктивноста, конкурентноста и зголемување на можностите за извоз.
Цените на становите пораснаа, а кириите се за жалење
Во услови на економска неизвесност и инфлација, многу граѓани од Балканот се решаваат своите заштеди да ги инвестираат во недвижен имот, бидејќи го сметаат за најсигурна форма на инвестиција. Вложувањето во станови, куќи и деловен простор е тренд кој постојано расте, а со него растат и цените на недвижнините, што е очигледно во речиси сите големи градови.
Македонија изгубила голем дел од домашното производство на храна – се сади се помалку и помалку
Производството на пченица во Македонија е десеткувано, особено ако се погледнат бројките од пред 20 или 30 години. Состојбите не се подобри нуту кај производството на другите земјоделски култури, како сончогледот, тутунот, грозјето...
ДАЛИ ШЕНГЕН РЕЖИМОТ Е НА ЗАМИНУВАЊЕ: По Германија, и Холандија ги врати проверките на граничните премини
Холандската влада објави дека воведува дополнителни проверки на нејзините копнени граници за борба против нерегуларната миграција, слична на политиката што ја воведе Германија во септември. Тоа е најновиот потег на тврдодесничарската влада во земјата, чија цел е да ја заузда имиграцијата, додека антимигрантското расположение е во пораст низ Европа.
Казна од 45 евра за непоседување на зимска опрема во возилата
Од денес, 15-ти ноември 2024 година стапува на сила обврската за задолжително поседување на пропишана зимска опрема во моторните возила и мобилните машини. Доколку не се почитуваат правилата за користење и носење зимска опрема во возилата, кои се предвидени во Законот за безбедност на патниот сообраќај, согласно истиот, на секој возач кој постапува спротивно на одредбите ќе му биде издаден платен налог со глоба во износ од 45 евра во денарска противредност, односно ќе му се регистрираат 25 негативни бодови.