Selekcijski postupak
Поканети сте на интервју за работа – кој е следниот чекор?
Еве на што треба да обрнете посебно внимание:
Истражувањата покажуваат дека повеќето менаџери за човечки ресурси во првите 90 секунди од разговорот со кандидатот одлучуваат дали ќе му дадат шанса за работа. Од исклучително важно значење е кандидатот да се подготви што е можно подобро и да му покаже на работодавачот дека може да смета на него за било што.
Не е спорно дека работната биографија, односно знаењето, вештините и искуството, се најважните фактори во процесот на селекција, но ако има голем број слични кандидати, тогаш навидум, малите нешта може да донесат голема предност.
Еве на што треба да обрнете посебно внимание:
ПРВИОТ ВПЕЧАТОК
Статистичките податоци велат дека 55% од првиот впечаток се однесува на начинот на облекување, однесувањето и движењето кога ќе влезете во просторијата каде што се одржува интервјуто за работа, 38% квалитетот на вашиот глас, односно граматиката и самодовербата и 7% за избор на зборови.
Две третини од работодавачите истакнуваат дека не сакаат кандидати кои премногу обрнуваат внимание на својот изглед и начинот на облекување. Тој може да биде пресуден фактор при донесување одлука помеѓу двајца кандидати со слични квалитети.
НАЈЧЕСТИ НЕВЕРБАЛНИ ГРЕШКИ
Пред да започнете со интервјуто за работа, односно да разговарате со потенцијалениот работодавач, внимавајте на следните грешки:
- Остварете контакт со очи при разговорот.
- Културно ракување на дистанца.
- Не сте доволно информирани за компанијата во која аплицирате.
НАЈЧЕСТИ ВЕРБАЛНИ ГРЕШКИ
Многу е важно специфично, концизно и јасно да одговорите на прашањата поставени од вашиот менаџер за човечки ресурси и еве што не смеете да правите:
- Предолго објаснувајќи зошто ја изгубивте претходната работа.
- Хумор во преголема доза.
- Недостаток на ентузијазам.
- Нагласување на сопствените желби и потреби.
Секако, пред сè, потребно е да ја запознаете компанијата во која сакате да работите, позицијата за која сте аплицирале и да бидете свесни за знаењето и вештините што ги поседувате, а кои се неопходни за таа позиција.
Доколку ги имате овие шест особини, веројатно секој работодавач ќе сака да ве вработи
ШЕСТ ОСОБИНИ КОИ ГИ ПОСЕДУВА ИДЕАЛНИОТ КАНДИДАТ
Без оглед на тоа дали тукушто сте почнале да барате работа, или веќе имате па барате подобро работно место, не можете да си го дозволите себеси тој „луксуз“ да престанете да се докажувате. Одамна е поминато времето кога само работното (не)искуство и образованието беа релевантни на работодавачите при избор на адекватни кандитати. Големата невработеност им даде можност на работодавачите да бираат помеѓу големиот број кандитати, од кои повеќето се со скоро идентични CV-ја, така да е потребно многу повеќе од само добра биографија за да стигнете до посакуваното работно место.
Истражувањата спроведени меѓу работодавачите покажуваат дека тие најмногу внимание посветуваат на кандидатите кои ги имаат следните шест карактеристики:
САМОУВЕРЕНОСТ
Ако сте тргнале во потрага по работа со предумисла дека измеѓу стотиците кандитати не постојат шанси да бидете изберени баш вие, тогаш уште на самиот почеток сте осудени на неуспех. Ако вие сами не верувате во себе, нема да верува ниту вашиот работодавач.
ПРОФЕСИОНАЛНОСТ
Одредени ситуации на работното место дозволуваат опуштеност, но тоа морате претходно да го заслужите. Ако прв пат се појавувате кај некој работодавач, без разлика дали е тоа разговор за работа или е прв работен ден, обрнете внимание на тоа да покажете почит спрема вашиот соговорник/соговорничка и исто така да бидете пристојно облечени.
ОТВОРЕНОСТ ЗА ПРОМЕНИ И ИНОВАЦИИИ
Во ерата на интернетот и достапноста на голем број информации од сите области, работите на деловен план се менуваат од ден на ден се повеќе и повеќе. Ако не сте спремни да учите нови знаења и вештини, времето брзо ќе ве прегази. Бидете спремни на секој вид на работно усовршување.
ЉУБОПИТНОСТ И НЕЈЗИНАТА ПРИМЕНА НА РАБОТАТА
Љубопитните луѓе се делат во две групи: оние кои ги интересира што се случило и оние кои ги интересира што се случило и зошто се случило. Работодавачите ја сакаат втората група. Доколку адекватно се нурнете во деловните процеси во вашата компанија, тогаш ќе знаете како да реагирате доколку дојде до застој во нив.
ТИМСКА РАБОТА
Во сериозните компании, тимот е секогаш над поединецот. Ако сте спремни да им помогнете на другите во вашиот тим и да ги ставите тимските потреби над личните, тогаш вие сте идеален тип на работник и добар ментор за новите вработени. Придонесот на таквите лица за конечниот работен успех е огромен.
САМОСТОЈНОСТ ВО РАБОТЕЊЕТО
Ниту еден работодавач не сака засекогаш да им игра „мама и тато“ на своите вработени. Работодавачите сакаат кандидати кои се свесни за своите работни обврски, кои ги исполнуваат на адекватен начин и на кои никој не мора секој ден да им кажува што треба да прават.
Појдете кај шефот и побарајте повисока плата – еве како да пристапите
Во динамичниот свет на работните односи, прашањето за покачување на платата често може да биде чувствителна тема за многу вработени.
Срамот и несигурноста можат да бидат големи пречки, но социолозите сугерираат дека со правилниот пристап, барањето за покачување може да биде успешно и корисно за кариерата.
Според социолозите, клучот лежи во стратегијата и во тајмингот.
„Вработените треба да бараат покачување кога имаат докази за својата вредност и придонес во компанијата. Ова може да биде по успешен проект, или по достигнување на значајна работна годишнина”, велат социолозите.
Тие исто така советуваат дека вработените треба да бидат подготвени со конкретни примери кои ја илустрираат нивната вредност и да имаат јасна слика за пазарната вредност на нивната позиција.
„Истражувањето е критично. Знаењето за тоа колку се плаќаат слични позиции во вашата индустрија може да ви даде солидна основа за вашето барање. Покрај тоа, многу важно е да се одржи професионален тон и да се избегнат емоционални аргументи. Подгответе се да ги презентирате вашите аргументи на начин кој е фокусиран на факти и достигнувања”, советуваат експертите.
Во контекстот на македонскиот пазар на трудот, каде што културните норми може да влијаат на начинот на кој се водат овие разговори, социолозите велат дека е важно да се земат предвид и локалните обичаи.
„Пристапот може да варира во зависност од компанијата и нејзината корпоративна култура. Во некои случаи, може да биде поприфатливо да се иницира разговор за покачување во неформална средина, додека во други, формалниот писмен начин на барање може да биде попрепорачливо“.
Социолозите советуваат дека вработените треба да бидат отворени за преговарање и да бидат подготвени за компромис.
„Понекогаш, покачувањето може да дојде во форма на дополнителни бенефиции или флексибилно работно време, а не само како зголемување на платата. Бидете отворени за различни опции и бидете подготвени да ги разгледате сите можности кои можат да придонесат кон вашата професионална и лична сатисфакција“, објаснуваат социолозите.
Ова е идеалното време од денот за испраќање CV на оглас!
Еден од начините да ја зголемите вашата шанса за вработување?
Според најновите истражувања, ако го испратите вашето CV во текот на вечерните саати ќе направите голема грешка.
Неодамна, истражувачите на TalentWorks анализираа преку 1.600 апликации за вработување во различни области за да утврдат дали постои идеално време за испраќање апликации на оглас.
Нивните анализи покажаа дека кандидатите кои аплицирале во 19 часот и 30 минути имаат најмали шанси да бидат повикани на интервју. Оние кандидати кои ги испратиле своите биографии после 16 часот имале само 5 отсто шанса да бидат вработени.
ИДЕАЛНОТО ВРЕМЕ ЗА АПЛИЦИРАЊЕ НА ОГЛАС
Според истражувањата, најдобро време за испраќање на апликациите епомеѓу 6 часот и 10 часот наутро. Кандидатите кои во текот на овој период ги испратиле своите апликации имаат до 5 пати поголеми шанси да бидат повикани на разговор за вработување. Дополнително, важно е да го испратите вашето CV во рок од 3 до 4 дена откако е објавен огласот за работа.
Од TalentWorks велат дека комбинацијата на овие два совети значително ја зголемуваат вашата шанса да ја добиете посакуваната работа.
Три најчести причини поради кои не сте повикани на второ интервју
Првото интервју помина одлично, а потоа не ве викаат на второ – знаете ли зошто?
Колкупати досега ви се случило одлично да поминете на телефонскиот скрининг или иницијалното интервју за потоа да добиете краток и љубезен одговор дека не сте поминале во следната фаза од процесот на регрутација? Сигурно се прашувате: “Што направив погрешно?“.
Некои кандидати испраќаат повратен мејл со цел да ја дознаат причината за нивното отфрлање, меѓутоа многу често остануваат без одговор.
Целиот тој процес на одбивање неминовно доведува до пад на вашата самодоверба и криза во кариерата што дополнително го отежнува процесот на барање работа.
Зошто е тоа така и каде е проблемот?
Многу е веројатно дека сте завршиле добра работа на првото интервју. Меѓутоа, проблемот не е во тоа дали сте успеале да оставите добар впечаток, туку во тоа дека процесот на вработување е доста непредвидлив. Еве три причини поради кои не успевате да дојдете до второ интервју:
Недостаток на релевантно работно искуство
Целта на првото интервју е да се процени длабочината на вашите знаења и вештини кои се бараат во индустријата во која работите. Имајте предвид дека секоја компанија е различна така што може да се случи и покрај тоа што ги исполнувате условите наведени во огласот, компанијата да процени дека не сте доволно добри за да ви се понуди работа. Тоа не значи дека вие не сте способни да ја завршите работата, туку дека се појавил друг кандидат со подобра професионална позадина од вашата.
Компанијата го променила курсот
HR менаџерите и другите професионалци кои го водат процесот на вработување многу често знаат да ги променат своите преференции во однос на идеалниот кандидат по првиот круг на селекција. Тоа е така бидејќи често се случува иницијалното интервју да му помогне на раководителот да го одреди вистинското ниво на вештините и искуството кое е потребно за работата. Замислете како му е на регрутерот кога понекогаш мора да распише нов оглас кој ќе одговара на новите барања од неговиот надреден.
Другите кандидати имаат интерни поддржувачи
Најдобриот адут кој може да го имате кога поминувате низ процесот на вработување е тоа некој од внатре да делува како ваш промотер. Станува збор за колеги, соработници и партнери со кои некогаш сте соработувале и можат да порачаат дека вие сте одличен кандидат. Имајќи некој кој ќе гарантира за вашето искуство и карактер му помага на HR Менаџерот да визуелизира како ќе се вклопите во културата на компанијата.
Поентата што сакаме да ја постигнеме во овој текст е дека не можете да знаете која е вистинската причина за тоа зошто не сте повикани на второ интервју и дека никогаш не треба да се обвинувате исклучиво себеси за тој резултат. Запомнете дека ниту една компанија не ве одбива во крајност, туку ви вели “не во моментов“. Ниту една компанија не ги отпишува кандидатите после едно интервју. Бидете во тек со новите огласи за вработување и не се откажувајте. На крајот на денот ако тоа е компанијата каде што сакате да работите, играјте на долги стази.
3 грешки што никогаш не треба да ги правите кога аплицирате на оглас
На регрутерите им се потребни помалку од 30 секунди за да поминат низ вашето CV и да одлучат дали ќе бидете поканети на интервју. Тоа значи дека вашата биографија има само неколку секунди да го привлече вниманието на потенцијалниот работодавач.
На регрутерите им се потребни помалку од 30 секунди за да поминат низ вашето CV и да одлучат дали ќе бидете поканети на интервју. Тоа значи дека вашата биографија има само неколку секунди да го привлече вниманието на потенцијалниот работодавач. Ако навистина ви значи да ја добиете работата, дадете се од себе за да дојдете до тоа внимание.
Подолу се наведени три најчести грешки што лицата кои бараат работа ги прават во процесот на аплицирање:
1. Бескрајно наведување на ирелевантни работни искуства во CV
Да, работодавците сакаат да знаат повеќе за вас, но тоа не значи дека во вашето CV треба да го вклучите сето она што некогаш сте го направиле. Тоа значи дека не треба да вклучувате работни искуства од минатото кои не се релевантни за конкретната позиција за која аплицирате. Тоа што некогаш сте биле талентиран пица мајстор нема да ви помогне денес ако аплицирате за позицијата сметководител.
2. Неуредно CV
Не постои ништо полошо за еден регрутер од нејасно и неорганизирано CV. На прво место, неуредна кратка биографија дава впечаток дека сте неорганизирана личност која не вложила ни најмал напор. Вашето CV ќе заврши во корпа бидејќи никој не сака да губи време гледајќи во нешто што нема никаква смисла. Ако не се погрижите вие да создадете привлечно и јасно CV, запомнете дека некој друг ќе го стори тоа.
3. Испраќање празна е-пошта со приложено CV
Грешка број еден што голем број работобаратели се‘ уште ја прават при аплицирање на огласи. На овој начин, вие во основа му кажувате на примачот дека не се ни обидувате да оставите одличен прв впечаток. Регрутерот нема да се мачи да го отвори вашето CV бидејќи јасно покажувате недостаток на учтивост и професионализам.
Запомнете дека кратката биографија е исклучително важна во процесот на вработување. Тоа е вашата прва шанса да оставите добар впечаток и да се разликувате од другите, па зошто тогаш да ја уништите таа шанса? Избегнувајте ги овие грешки и бидете чекор поблиску до вашата следна работа од соништата.
Заинтересирани сте за нова работа? Над 400 нови огласи чекаат на вас!
Најчестите грешки во говорот на телото при разговор за работа
Говорот на телото кажува многу во разговорите за работа, велат стручњаците.
Играњето со предмети, како: пенкало, хартија, е-цигара и слично може да укаже на здодевност или вознемиреност. Држете ги рацете смирени и избегнувајте однесување што го одвлекува вниманието, пишува „Тајмс оф Индија“.
Говорот на телото кажува многу во разговорите за работа, велат стручњаците.
Следат дел од најчестите грешки коишто луѓето несвесно ги прават при таков разговор.
Подгрбавеноста може да изгледа како недостиг на самодоверба и ентузијазам. Совет: Поставете се исправено за да изгледате професионално, посветено и проактивно.
Прекрстените раце на градите може да покажат „одбранбено или затворено“ однесување. Наместо тоа, се препорачува слободно и опуштено држење ги рацете – заради впечаток на „пристапност“ до личноста. А пак, играњето со предмети, како: пенкало, хартија, е-цигара и сл. може да укаже на здодевност или вознемиреност. Држете ги рацете смирени и избегнувајте однесување што го одвлекува вниманието, пишува „Тајмс оф Индија“.
Прекумерната нервоза, со тапкање со стапалото, играње со косата итн., исто така, остава лош впечаток. Наместо тоа, се советува смирен, прибран и сосредоточен став.
Избегнувањето контакт со очите, од страна на личноста спроти Вас, може да се толкува како неискреност или несигурност. Совет: Не ги избегнувајте очите на потенцијалниот работодавец и покажете внимателност, присутност и самодоверба.
Постојаното гледање во часовникот говори дека лицето, кое го интервјуираат за работа, е нетрпеливо или недоволно заинтересирано, па чека времето да мине што побрзо. Избегнувајте да го проверувате рачниот, ѕидниот часовник или оној на мобилниот телефон. Почитувајте го времето на работодавецот и бидете присутни за време на разговорот.
И цврсто прекрстени нозе говорат за прекумерна напнатост. Совет: Се препорачува опуштена положба на телото, со стапалата на подот.
За крај: Иако гестикулацијата често ја подобрува комуникацијата, прекумерното движење со рацете честопати го одвлекува вниманието, изгледа нападно и го нарушува разговорот.
Какво однесување на кандидатите за работа ги наведува регрутерите да мислат дека се очајни
Повеќето луѓе, 95 отсто, имаат намера да бараат нова работа оваа година, според истражувањето на Monster од јануари 2024 година.
Повеќето луѓе, 95 отсто, имаат намера да бараат нова работа оваа година, според истражувањето на Monster од јануари 2024 година. И многумина очекуваат тоа да биде предизвик. Повеќе од половина, 68 отсто, сметаат дека ќе биде тешко да се најде со оглед на состојбата на економијата.
Иако барањето работа може да биде предизвикувачко, постојат некои непрепорачливи начини на однесување што може да го отежнат барањето работа.
„Потрагата по одобрување е позната и како очај“, рече Линдзи Мастејн, поранешен регрутер во Amazon и актуелен извршен директор на Talent Paradigm.
Таа додаде дека „тоа е енергијата „избери ме“ што всушност ја отфрла можноста“.
Еве како да избегнете да изгледате очајно кога барате работа, пишува CNBC Make It.
Не аплицирате во иста компанија одново и одново
Избегнувајте постојано да аплицирате за работа во иста компанија, особено за краток временски период.
Ако Линдзи види дека сте „се пријавувале 20 пати во последните две години и никогаш не сте биле ангажирани“, тоа е црвено знаме. Веднаш би помислила дека нешто не е во ред со тој кандидат.
Без оглед на тоа колку сте подготвени за работа, регрутерот веројатно нема да одвои време за дополнително да ја испита вашата апликација.
„Вака можете да влезете на црната листа. Обидете се да ги ограничите вашите апликации на не повеќе од пет позиции што одговараат на вашите вештини во одредена компанија“, советува таа.
Не покажувајте дека сте ранливи или повредени на мрежите
Конечно, ако сте невработени, не објавувајте го статусот на невработеност на социјалните мрежи. Линдзи дава пример за објава како што следува:
„Само што бев отпуштен и имам две деца дома и навистина ми треба друга работа, што побрзо“. Значи, ако можете да ме запознаете со секоја личност што ја знаете која вработува, би ви бил многу благодарен“.
Иако постои причина за сочувство, луѓето кои објавуваат слични статуси „изгледаат повредени“.
Наместо тоа, ако сте отпуштени и сакате да му сигнализирате на светот дека барате нови можности, обидете се да ја прикажете ситуацијата како нов почеток или шанса за раст и споделете конкретни примери за вашите минати придонеси и успеси. Можете исто така да споделите што сте научиле и како вашите искуства ве подготвиле за идните предизвици. Сето ова „покажува приспособливост и напреден начин на размислување“ на потенцијалните работодавци, објасни таа.
Запомнете, „не ви треба никаква работа, само добра работа“, заклучила таа.
Волшебно прашање кое треба да го поставите на интервју за работа и сигурно ќе ве одберат
Прашањата за интервју за работа што кандидатот му ги поставува на регрутерот се исклучително важни!
Прашањата за интервју за работа што кандидатот му ги поставува на регрутерот се исклучително важни! Една жена сподели на својот TikTok прашање кое треба да го постави на интервјуата за работа, за кое тврди дека секогаш ја обезбедува работата. Видеото брзо стана вирално, со повеќе од 51.000 прегледи, пишува Women in Adria.
Волшебното прашање
Иако постојат голем број совети и трикови за интервју за работа кои можат да му помогнат на кандидатот да ја обезбеди улогата. Интернетот е полн со совети и трикови, а сите се согласуваат во едно: нема кратенки! Со други зборови, исклучително е важно да ја завршите вашата „домашна задача“ и да се подготвите со проучување на сè што можете за работата и компанијата во која аплицирате. Сепак, некои прашања сигурно имаат малку „магија“ во себе и резонираат во умот на регрутер поинаку од другите. Кетрин Локхарт од Тексас има едно од овие. Таа тврди дека тоа никогаш не ја разочарало.
Ова прашање, објаснува Кетрин, треба да се постави на самиот крај од интервјуто. Кога регрутерот ќе праша: „Имате ли нешто друго што би сакале да нè прашате?“. Одговорете „да“ и потоа поставете прашање.
„Како изгледа извонредноста во оваа улога?
„Ова прашање му дава шанса на регрутерот да објасни малку повеќе за секојдневните функции на улогата, но исто така му дава до знаење дека сериозно сакате да ги исполните и да ги надминете нивните очекувања“, објаснува тој.
3 трикови со кои ќе „распалите“ на секое интервју
Оној момент пред самото интервју и секундите пред да седнете на "жешкото столче" може да направат да изгледа како времето да запрело. Никој не ги сака, но за жал интервјуата се клучен дел од потрагата за работа.
Оној момент пред самото интервју и секундите пред да седнете на "жешкото столче" може да направат да изгледа како времето да запрело. Никој не ги сака, но за жал интервјуата се клучен дел од потрагата за работа.
За среќа, постојат голем број на совети од експерти кои можат да ви помогнат подобро да се подготвите и со тоа да ја намалите непотребната несигурност.
Се е во воведот
Што значи ова? Морате да бидете најдобро што можете спремни за моментот "Кажете ми нешто за себе". Направете листа на вашите најдобри вештини и на само извежбајте го вашиот мини говор. Верувајте дека кога ќе дојде овој момент ќе ви биде многу полесно, бидејќи однапред ќе знаете што би кажале. На овој начин ќе го намалите стресот и анксиозноста, а со тоа ќе звучите и посамоуверено.
Не ја потценувајте моќта на истражувањето
Секогаш, ама баш секогаш истражете за компанијата кај која аплицирате. Научете што е можно повеќе за неа и соберете ги клучните информации. Фактот дека сте одвоиле време за да прочитате ќе значи дека сте сериозно заинтересирани за позицијата и фирмата. Тоа е голем плус за вас и вашите шанси за вработување.
Невербалната комуникација е клучот
Обрнете внимание на говорот на вашето тело. Не ги прекрстувајте рацете и немојте да гледате доле или на страна. Директниот контакт и повремената насмевка се клучната комбинација за оддавање на позитивен впечаток.
Како да напишете мејл со кој ќе ја добиете секоја работа
Кога станува збор за аплицирањето на огласи, вашето CV не е единствената работа на која треба да поработите. Од голема важност е и содржината и структурата на мејлот во кој ја испраќате вашата апликација.
Замислете дека пред вас се наоѓа оглас за работа од вашите соништа. Знаете дека ги поседувате сите потребни квалификации. Знаете дека добро ќе се вклопите во компанијата. Правите совршена и приспособена кратка биографија и мотивациско писмо и потоа ја испраќате вашата апликација до работодавачот преку мејл.
Потоа чекате... и чекате... и ништо. Поминале две недели, а вие уште не сте добиле повратен одговор.
Зошто?
Затоа што никој не ја видел вашата апликација.
А зошто е тоа така?
Затоа што не сте ја испратиле вашата апликација на вистинскиот начин.
Сепак, не грижете се, бидејќи ние ќе ви откриеме ефективен и лесен начин за испраќање на кратка биографија преку мејл. Еве неколку совети како да напишете мејл со кој ќе ја добиете секоја работа:
Ставете наслов кој привлекува внимание
Знаеме дека најголемиот дел од работодавците преферираат во насловот на мејлот да се стави називот на работното место за кое аплицирате меѓутоа обидете се барем да смислите некоја кратка фраза која ќе го содржи тој елемент, а сепак ќе ве издвои од останатите кандидати.
Обратете му се директно на лицето кое е одговорно за вработување
Персонализирајте ги вашите апликации со тоа што ќе му се обратите директно на HR Менаџерот на компанијата. Неговото име и презиме може да го пронајдете многу лесно на LinkedIn, а тоа му покажува на работодавачот дека сте се потрудиле да истражите повеќе за компанијата.
Во првиот пасус, објаснете кои сте вие и зошто го испраќате овој мејл
Откако ќе му се обратите на лицето кое е одговорно за вработување, претставете се и наведете од каде сте дознале за отворената работна позиција.
Во вториот пасус, наведете ја вредноста што ќе ја донесете во компанијата
Вториот пасус е резервиран за вашиот мотив “зошто аплицирате во компанијата“ и “зошто компанијата треба да ве вработи“.
Завршете го мејлот велејќи дека сте желни да се сретнете лице в лице
На крајот на мејлот, однапред заблагодарете се за издвоеното време и истакнете дека со нетрпение чекате да се сретнете лице в лице.
Додадете професионален потпис со ваши контакт податоци
Вашата апликација ќе изгледа многу попрофесионално доколку направите ваш персонализиран потпис со име и презиме, моментална позиција, контакт податоци и линк од профил на LinkedIn.
Прикачете ја вашата биографија и мотивациско писмо во PDF
Не заборавајте да ја прикачите вашата кратка биографија и мотивациско писмо во PDF, како и да ставите соодветни наслови (име и презиме) на тие фајлови.
4 работи кои НЕ СМЕЕТЕ да ги спомнете за време на интервју за работа
Стручните лица тврдат дека постојат само 4 теми кои би требало да ги избегнете при разговор за работа.
Интервјуто за работа може да биде едно од најстресните животни искуства во целиот процес при барање на работно место, особено кога сте свесни дека само еден неприкладен коментар може да ви ја уништи можноста да се вработите.
Стручните лица тврдат дека постојат само 4 теми кои би требало да ги избегнете при разговор за работа.
- Тврдите дека вашата најголема мана е перфекционизмот
Личноста со која водите дијалог веројатно до сега многу пати слушнала како интервјуираниот пробува да го избегне одговорот на прашањето или пробува да неговата мана е добра а работното место.
Многу подобар избор е да бидете искрени и да спомнете некоја ваша слабост.
- Го озборувате вашиот претходен претпоставен
Во ваквии моменти воздржете се од било какви негативни коментари за вашите колеги или претпоставени.
Ако сепак ви се случи да ви се испушти некој лош коментар, пробајте да избалансирате спомнуваќи некоја позитивна работа кај вашиот претходен претпоставен.
- Криете дека барате работа и на други места
Може на вас ви се чини како добра идеја да му ставите до знаење дека неговата фирма ви е единсвтвениот избор, но се лажете вие всушност ќе направите да помислат дека сте мрзелив или дека сте лажго.
- Го спомнувате годишниот одмор
Иако за време на разговорот ќе ја спомнете платата, одморот оставете го за друга прилика
Кога ќе треба да најдете нова работа сигурно не сакате да оставите впечаток на некој кој едвај чека да не почне повторно да работи, советуваат некои од стручњаците.
Активирај ја новата опција и биди информиран за сите огласи во компанијата каде сакаш да работиш!
Дали сакате да знаете кога ќе се отвори слободно место во компанијата за која сакате да работите?
Ние имаме решение за вас
1. Направете си свој профил на vrabotuvanje.com. Кликнете Најави се одберете регистрација за работобаратели и пополнете ги полињата..
2. Пронајдете ја компанијата која ве интересира кликнете дека сакате да ја следите и добивајте известување за слободните позиции
3. Бидете секогаш информирани! КРЕИРАЈ ПРОФИЛ
Еве што треба да направите кога ќе добиете е-пошта во која се вели дека не сте примени на работа
Веројатно многумина од вас добиле е-пошта со следнава содржина: „Почитувани, Ви благодариме за вашата апликација за работа, но не успеавте да влезете во следниот круг интервјуа“, „Се одлучивме за друг кандидат кој подобро одговара на бараните критериуми “ и слични пораки со љубезни информации дека не сте го добиле работното место.
Долги години владее практика во која многу кандидати не добиваат ни повратна информација во текот на конкурсот. Кога ќе помине извесно време, самите кандидати сфаќаат дека штом не добиле повратна информација, не се примени на работното место.
Сепак, секоја сериозна компанија или агенција за регрутирање ќе испрати повратни информации за одбивањето на сите неуспешни апликанти, без разлика дали по телефон или е-пошта, во зависност од бројот на апликанти и други фактори.
Најчесто тие информации ги добиваме во форма на е-пошта и често луѓето се лути и тажни и се во искушение да одговорат на афективен начин што не е соодветен.
Најдобриот совет е да не го правите тоа. Ви препорачуваме да одговорите на таквите известувања на таков начин што ќе им се заблагодарите што ја разгледале вашата апликација, за да нагласите дека сè уште верувате дека можете да придонесете за развојот на компанијата и дека можете слободно да бидете разгледани доколку се појави соодветна можност во иднина за вашите карактеристики.
На овој начин ќе им дадете до знаење на регрутерите дека сте личност која е подготвена да прифати отфрлање, а доколку навистина се појави слична можност во иднина, бидете сигурни дека ќе им биде полесно да ве контактираат вас, отколку да одговорите налутено или грубо на одбивањето за работа.
Еве што НЕ СМЕЕ да стои во Вашето CV!
Грешки кои многу често ги правиме!
Работодавците кои вработуваат добиваат стотици биографии и пријави за работа и сосема е јасно дека „опстануваат“ само оние најквалитетните.
Можеби сте најдобрата личност за понудената рбота, но ако сте погрешиле во биографијата, би можеле да бидете „исфрлени“ уште во првиот круг.
Според Бизнис Инсајдер, овие детали треба да избегнувате да ги наведете во вашето CV:
1. Ирелевантно работно искуство
Ако некогаш одамна сте работеле како келнер во ресторан, а испраќате пријава за сосема поинаква работа, не е потребно да наведувате такви минати работни искуства.
2. Приватни работи
Во биографијата не наведувајте брачен статус, вероисповед и останати небитни податоци за потенцијалниот работодавец.
3. Хоби
Играте фудбал, свирите гитара, планинарите… Треба ли тоа да го знае вашиот работодавец? НЕ
4. Несериозна e-mail адреса
Внимавајте какви мејл адреси испраќате во пријавата за работа. Ако вашата мејл адреса гласи budala84@gmail.com или sexy25@yahoo.com, шансите да ја добиете работата се минимални, бидејќи тоа е апсолутно непрофесионално.
5. Причини за напуштање на преходната компанија
Многу кандидати за работа мислат дека објаснувањата за минатите напуштања на компаниите ќе им помогнат, но вистината е сосема поинаква. Избегнувајте го ова.
6. Фотографија
Освен ако не ви побараат, избегнувајте поставување на фотографии во CV-то. Фокусирајте се на важните нешта.
7. Висината на платата
Ако во биографијата се споменуваат износи, тоа не е добро. Преговорите за висината на платата би требало да ги почекате до разговорот за работа.
8 работи кои се поважни од CV-то кога барате работа
Иако повеќето луѓе сметаат дека совршената биографија е најважниот фактор, сепак тоа е на еден начин - преценето. Додека биографијата е важна, некои елементи се уште поважни.
Ви откриваме 8 работи кои се поважни од CV-то, но и препораките кога станува збор за барање работа!
1. Познавање на компанијата
Дефинирајте неколку компании за кои би сакале да работите и да истражувате! Дојдете на интервју со специфични информации за компанијата - кога е основана, кој е извршен директор, што точно прават и што би можеле и што треба да прават во иднина. Бидете сигурни да ја проучите веб-страницата на компанијата, но и каналите на социјалните медиуми.
Важно е да му докажете на лицето што ве интервјуира дека сте во тек со информациите и дека ова е токму како за вас, а во исто време собраните информации ќе ви помогнат да одговорите на сите прашања.
2. Контакти
Живееме во свет во кој контактите се повеќе им помагаат на луѓето да ја пронајдат својата работа од соништата. И не, не мислиме на врски кога барате работа! Важно е колку знаете, но исто така и кого знаете.
Запознавањето или вмрежувањето не мора да биде напорна и непријатна активност. Пријавете се за секој бесплатен настан за „вмрежување“ во вашиот град (предавања, конференции, работилници, средби ...), запознајте се и водете безгрижни разговори со луѓе од вашата и слична индустрија.
Колку повеќе луѓе познавате и колку повеќе воспоставувате силни деловни врски, толку се поголеми шансите да обезбедите сјаен влез и претставителност во компанијата за која сакате да работите.
3. Реални цели
Пред да започнете да барате работа, запишете ги на хартија вашите специфични цели кои се реални и остварливи. Елаборат тактиката ви овозможува да се фокусирате и да ги постигнете поставените цели, без разлика колку тие изгледаат „мали“.
Ако не ги следите поставениот план и чекори кога барате работа, многу лесно може да се случи да се тргнете од патот и да не знаете на што прво да се посветите. Квалитетен план со реални и остварливи цели ќе ве насочи кон скоро вработување.
4. Презентациски вештини на интервјуто
Совладувањето на оваа вештина е императив за сите кои бараат работа од соништата. Секој може да дејствува способен преку екранот на компјутерот, но средбата лице в лице е нешто друго!
Ако вашата способност да се претставите на интервјуто не е квалитетна, никој нема да се сети на вештините што ги наведовте во вашата биографија. Вежбајте ги своите вештини за зборување пред огледало или снимете се за да ги забележите елементите што треба да ги ’поправите’. Научете да не избегнувате контакт со очите и да бидете сигурни во вашата изведба.
5. Сопствена веб-страница
Веб-страница е ново ниво на биографија. Денес, секој има пристап до интернет, а вашиот личен веб-профил може да биде само „таа додадена вредност“ што ќе биде клучна.
Тоа е можност да ја оставите фантазијата да се разбесне и да се изразите на многу повеќе начини отколку што можете на парче хартија. Можете исто така да ја презентирате вашата работа и деловни достигнувања на интерактивен и интересен начин.
6. Хоби
Покажете му на лицето кое ве интервјуира дека не сте досадна личност и дека вложувате во себе. Презентирајте ги активностите што ги правите во слободно време и оставете да се знае дека сте разноврсни.
Дали сакате стари автомобили? Дали сакате да планинарите? Дали трчате маратон? Не двоумете се, наведете ги вашите хобија и покажете дека не сте само чист оперативец, туку и посакуван колега.
7. Квалитетен сон
Ако сакаме да одржиме остар ум и остро размислување, потребни ни се најмалку 7 до 8 часа сон на ден. Фактот дека имате интервју следниот ден може да биде доста стресен. Наместо да останете будни цела ноќ, да ги трошите нервите и да размислувате за исходот, претпочитајте да пиете чај, да се смирите и да легнете на време за да дојдете „свежи“ на интервјуто!
8. Самодоверба
Ништо не оди без самодоверба. Вашето знаење и квалификации паѓаат во втор план ако вие самите не верувате во тоа. Самодовербата е видлива и заразна, луѓето ќе ве паметат по тоа. Влезете во просторијата за интервју како да веќе сте ја добиле работа, поставете прашања, покажете интерес и сигурно ќе го добиете посакуваното внимание.
Ако дојдете меѓу луѓето што ве интервјуираат полни со самодоверба и со очигледна желба да работите и да се докажете, ќе бидете само на чекор до постигнување на вашата цел!
Како да одговорите на прашањето “Зошто ја напуштивте претходната работа?“
Еве неколку стратегии кои ќе ви помогнат да одговорите на ова тешко прашање
Не постојат лесни прашања на интервју за работа, но некои се многу потешки од останатите.
Зошто ја напуштивте вашата претходна работа или Зошто сакате да ја напуштите вашата тековна позициja – е едно од најсензитивните прашања кои може да ви ги постават на интервју за работа, и тоа од повеќе причини.
За разлика од прашањата за вашите вештини или причината поради која сте заинтересирани за новата работа коишто ви даваат можност да се покажете себеси во позитивна смисла, прашањето во врска со вашето претходно работно место може да ве доведе до една навистина неудобна ситуација.
HR менаџерите го сакаат ова прашање бидејќи од одговорот може да изведат доста работи за вас. Ако сте напуштиле поради личен каприц или некоја неоправдана причина, тие ќе ја запрашаат вашата лојалност кон компанијата и посветеноста кон она што го работите. Доколку пак сте биле отпуштени или не ви бил понуден нов договор, тоа ќе отвори нови прашања за прилагодливоста на вашиот профил на корпоративната култура или нивото на вашиот квалитет и потенцијал како професионалец. За крај, доколку доброволно и мирно сте се разделиле со вашиот работодавач, имате можност да ги истакнете вашите relationship management skills.
Како што гледате, одговорот на ова прашање има големо влијание врз вашето идно вработување па оттаму е важно правилно да одговорите на истото. Подолу ќе зборуваме за неколку стратегии кои ќе ви помогнат правилно да одговорите на ова прашање:
Бидете позитивни. Без оглед на тоа колку ви било лошо на претходната работна позиција или колку нефер сте биле третирани од страна на својот работодавач – останете позитивни! Недозволиво е да зборувате лошо за вашите претходни менаџери, колеги или за компанијата во целост. Ако не задоволни од насоката во која се движела вашата претходна компанија, во ред е да го кажете тоа, но искористете го моментот да покажете колку многу ви се допаѓа бизнис стратегијата на новата компанија и како вашите вештини ќе и помогне на компанијата да ги постигне своите цели. Правејќи го ова, на дело ќе ја покажете својата бизнис свесност и знаење за самата организација, а тоа е огромен плус.
Less is more. Важно е да ја кажете вистината, но HR менаџерот нема потреба да го знае и најситниот детаљ кој довел до тоа да донесете одлука за заминување. Ако ви била постојано ускратена можноста да напредувате, немојте премногу да објаснувате околу тоа. Наместо тоа, истакнете некое големо достигнување кое ви се случило таму и тогаш преминете на тоа како можностите за постојан напредок почнале да се намалуваат и токму затоа барате нова работа каде што ќе имате поголем простор да учите нови работи и да ги развивате своите вештини.
Потенцирајте ги работите кои сте ги научиле. Ова е од особена важност ако сте биле отпуштени од вашето претходно работно место. Голема е бројката на професионалци кои се плашат дека оваа “црна точка“ ќе влијае на тоа веќе никогаш да не најдат добра работа во нивното поле. Меѓутоа, воопшто не е така. Ако сте добиле отказ, зборувајте за вашите грешки и покажете што ваквото искуство ве научило. Никој не е идеален, а способноста да учите од своите грешки и желбата да станете подобар работник е атрактивна карактеристика за секој работодавач.
Вежбајте. Тонот и начинот на кој одговарате на ова прашање може да биде клучот. Затоа, не дозволувајте ова прашање првпат да го слушнете на реално интервју. Однапред подгответе се преку правење на пробни интервјуа со некој член од вашето семејство или некој пријател. На овој начин, ќе ви биде покомотно и ќе звучите поуверливо да одговорите на ова прашање на реално интервју.
Запомнете, секој од нас напуштил некоја претходна работна позиција поради една или друга причина. Без оглед на тоа која е причината која ве довела до ова итнервју, бидете подготвени да го користите ова прашање во ваша полза истакнувајќи како вашето претходно искуство ве подготвило да бидете идеалниот кандидат за посакуваната работна позиција.
Ви се допадна овој совет? Следете ги сите наши совети за професионалци на следниот линк.
Како да ја намалите нервозата пред интервју за работа?
Кога одите на разговор за работа, немојте да имате нешто друго на ум.
Грешки кои треба да ги избегнувате кога давате отказ
Без разлика на причините за вашата намера да се откажете, потрудете се разделбата да помине што поглатко.
Прочитајте повеќе на темата: 5 работи за кои никогаш не треба да лажете на интервју
Давањето отказ на работата е еден од најстресните настани во животот, па затоа е сосема природно да чувствувате вознемиреност и страв. И да, правиме грешки кои не би ги направиле во нормални околности.
Ако, како и многумина, влеговте во новата година „опремени“ со цела низа новогодишни одлуки, има многу големи шанси барем мал дел од нив да се однесуваат на вашата кариера. Можеби конечно сте собрале храброст да разговарате со вашиот шеф за зголемување на платата. Или, од друга страна, сте решиле да се запишете на образование кое ќе ги подобри вашите вештини и ќе стекне нови знаења. И можеби, по долго размислување и „мерење“ на сите достапни опции, цврсто сте решиле дека е дојдено време да најдете нова (и подобра) работа.
Без разлика на причините поради кои имате намера да се откажете од работата, потрудете се разделбата да помине што “поблаго“. Освен што ќе се чувствувате подобро ако отказниот рок го завршите без кавги и непријатности, на тој начин вашите наскоро поранешни колеги и шеф ќе бидат повеќе склони да напишат препорака за вас.
За да се разделите со вашиот поранешен работодавец со ракување и без огорченост, избегнувајте ги следните грешки, пишува Мonster.
Не ја соопштивте навреме оставката
Најдовте нова работа, сте договориле датум за почеток, но за сето ова не сте го известиле работодавецот што го напуштате. Не звучи многу фер, нели? При промена на работното место, вообичаено е да се отслужи отказен рок, а секогаш му претходи отворен и навремен разговор со шефот за одлуката што сте ја донеле. На овој начин, вашата компанија има доволно време да најде соодветна замена за вас, а преостанатото време можете да го поминете „на мир“.
Не сте понудиле никаква поддршка на личноста која ќе ве наследи
Една од најдобрите работи што можете да ги направите пред да ја напуштите работата е да понудите менторство на вашата замена. Или, ако вашиот наследник сè уште не е пронајден, можете да составите „пакет за добредојде“ со најважните информации за работата за која сте биле задолжени. Наведете ги проектите на кои сте работеле или кои сте ги воделе, подгответе папка со документи и упатства кои ќе му ги олеснат првите денови на новото работно место на новиот колега. Ако вашиот наследник започне со работа пред да ја напуштите компанијата, понудете му лично да го запознаете лицето со клиентите што ќе ги преземат од вас, како и со сите колеги со кои ќе работат во ваше отсуство.
Премногу долго останавте
Некои луѓе, иако сами одлучиле дека е дојдено време за нови деловни предизвици, знаат да одолговлекуваат со напуштањето на компанијата. Сепак, и покрај вашите најдобри намери и желба да го запознаете вашиот наследник со работата што е можно подетално, овој процес не треба да трае премногу долго. Нема точен одговор колку време треба да останеме на работното место што го оставаме и зависи од секој случај. По правило, се работи за неколку недели, односно за времето потребно за работата да се пренесе на вашата замена. Се разбира, многу зависи од датумот на започнување со работа кај новиот работодавец.
На колегите им го најавивте заминувањето пред да му кажете на шефот
Ова е малку незгодно бидејќи многу луѓе со текот на времето развиваат блиски односи со своите колеги од работа и не е невообичаено да сакаат прво да ја споделат одлуката да ја напуштат компанијата со нив. Сепак, потребно е да се биде внимателен. Ако прво им кажете на колегите, а вашиот шеф дојде од еден од нив наместо од вас, „вашиот шеф ќе се чувствува непочитувано, што може да ја поткопа вашата способност да добиете добра препорака“, вели Марсел Јегер, директорка на консултантска фирма за кариера.
Немате опција Б
Големите празнини во нашите резимеа, т.е. црните дупки помеѓу работните места, може да испратат погрешна порака до потенцијалните работодавци и да наштети на нашето барање работа. Дури и ако ја мразите вашата моментална работа, обидете се да издржите доволно долго за да најдете нова и подобра работа.
Правилото „25/5“ му донело голем успех: Применете го советот на еден од најбогатите луѓе во светот!
Паметен, добри оцени на факултет и училиште, но доколку не сте емоционално зрели, општествено интелигентни, упорни и истрајни во своите цели, најчесто нема да успеете да ги остварите вашите цели.
За да бидете успешни во тоа што го правите мора да имате повеќе видови интелигенција и особини кои ги имаат само посебните луѓе.
Еден од таквите луѓе е Ворен Бафет којшто покрај тоа што е еден од најбогатите и најуспешни инвеститори на светот, покажал и извонредна емоционална интелигенција во повеќе наврати.
Дали сте слушнале за неговото правило 25/5?
Во една прилика во разговор за кариерата, Бафет на својот пилот му спровел еден тест.
Тој на почеток на својот пилот му рекол да направи листа од свои 25 приоритетни цели во кариерата, а потоа да заокружи пет од нив, оние кои смета дека се најважни.
Што сакал да постигне со овој тест?
1. Да биде насочен на остварување 1 до 5 цели.
2. Воопшто да не работи на остварување на целите (од 6 до 25).
Бафет сакал да докаже дека сè е во фокусот. Не можете со ист интензитет да се фокусирате и да бидете на 25 страни затоа што едно е сигурно, а тоа е дека нема да постигнете 25 работи во вашиот живот.
Доколку долгорочно се фокусирате, можеби ќе може да остварите од 3 до 5 големи цели. А, препреките на вашето фокусирање се броевите од 6 до 25 затоа што тоа се работи кои ве интересираат. Тоа се ваши најголеми потенцијални деструкции.
Ова едноставно правило е прекрасен начин за примена на емоционалната интелигенција во секојдневниот живот.
Важно е секогаш да идентификувате предмети од 5 до 25 за полесно да го идентификувате тоа што ве кочи.
Ова правило не мора да се применува само за големи работни цели туку во било кој вид обврски и желби. Може да имате секој ден список од 10 обврски кои би сакале да ги направите тој ден, а потоа да заокружите две или три. Додека не го ставите тој главен приоритет на лист хартија, не извршувајте ниту една друга задача.
Користете го правилото 25/5 и направете емоциите да работат за вас, а не против вас!
