Motivacija zaposlenika

Ова се некои од причините:

Дали сте склони да ги “закопате“ добро платените работници со работа? Доаѓа време кога сфаќаат дека високата плата повеќе не вреди за здравјето и исцрпеноста на работа, па често се откажуваат. Форсирањето на работниците е главно контрапродуктивно на долг рок – тоа му штети на самиот работодавец. Истражувањата покажаа дека продуктивноста паѓа ако работите повеќе од 50 часа неделно.

Секој вработен сака да слушне убав збор, да добива пофалби или награда за придонесот на компанијата, а ако тоа не е случај или ако работниците ги земате премногу „здраво за готово“ – многу е можно тие да бараат подобра деловна можност на друго место. Обидете се да се грижите повеќе за вашите вработени.

Важно е да ги почитувате приватните обврски на вашите вработени, но и да ги исполнувате ветувањата. Ако дадениот збор се игнорира, работниците добиваат впечаток дека не ги почитувате и дека ќе биде тешко да напредувате на дадена работа. Исто така, тие имаат несигурно чувство за работата и компанијата во која работат доколку видат како се унапредуваат луѓе кои „не заслужуваат“ таков напредок.

Покрај тоа, работниците често одлучуваат да дадат отказ доколку имаат слаби шанси да ги подобрат своите знаења и вештини. Ова особено важи за најталентираните кадри, кои се стремат кон повисоки цели, желни за учење, нови предизвици и идеи.

Проверете го задовослството на вашите вработени на ПУЛСЕР.МК

Мотивацијата на поединецот е под влијание на голем број биолошки, интелектуални, социјални и емоционални фактори. Како таква, мотивацијата е комплексна сила на која, исто така, може да влијаат и надворешните фактори.

Како да ја потикнете мотивацијата на работното место

Секоја личност има активности, настани, луѓе и цели во својот живот кои можат да ја мотивираат. Трикот за работодавците е да дознаат како да ја инспирираат мотивацијата на секој еден вработен на работа.

Иако работодавците разбираат дека треба да обезбедат работна средина која креира мотивација, многумина не го разбираат значењето на мотивацијата во остварувањето на мисијата и визијата на компанијата. Дури и кога ја разбираат важноста на мотивацијата, работодавците честопати немаат вештини и знаење за да обезбедат работна средина која поттикнува мотивација помеѓу вработените.

Еве неколку начини за да го промените тоа.

10 фактори за поттикнување на мотивацијата

Ова се некои од факторите што мора да се случат со цел да се мотивираат вработените.

1. Менаџерски и лидерски акции кои ги поттикнуваат вработените
2. Транспарентна и редовна комуникација за фактори кои се важни за вработените
3. Третирање на вработените со почит
4. Вклучување на вработените во одлуките за нивното работење и работа
5. Минимизирање на бројот на правила и политики во работната средина која им дава доверба на вработените и ги третира како возрасни
6. Редовно препознавање на допринесот на вработените
7. Обезбедување фидбек и коучинг од менаџерите и лидерите
8. Обезбедување натпросени бенефиции и компензација
9. Организирање на корпоративни активности
10. Менаџирање на вработените во рамките на остварлива рамка на цели, мерења и јасни очекувања

Се разбира, прва и основна работа за да имате среќни вработени е да бидете сигурни дека тие заработуваат фер плата за својата работа. Но, откако ќе го направите тоа, мотивирањето на најдобрите членови на тимот може да се постигне на следните начини:

1. Негување на односот

Претпоставените понекогаш, поради природата на својата работа, се изолираат од вработените и со тек на време го губат пристапот до вредни информации за нивното секојдневие. Затоа, понекогаш е добро да ги поканите членовите на вашиот тим на ручек или да организирате неформален собир каде што може да се информирате што се случува во нивниот професионален, но и приватен живот. Обидете се да се поврзете на автентичен начин (споделете ги вашите секојдневни работи со нив).

2. Работно опкружување

Имплементирајте култура на фокусираност, раст и заемно почитување и држете се подалеку од драматични ситуации. Во конфликтните ситуации, направете се од себе да спречите хаос и тензија. На долг рок ова гарантира високо ниво на задоволство на вработените. Запомнете дека на работа сме една третина од денот, па затоа е важно сите да се чувствуваат удобно.

3. Флексибилност

Флексибилноста не претставува никаков трошок, а може да ви донесе низа позитивни ефекти. Клизното работно време и можноста вработените сами да си го организираат своето темпо на работа гарантира повисока ангажираност и продуктивност.

4. Работа надвор од компанијата

Целосно или делумно – изборот е ваш. Можете да заштедите на трошоци, а доколку вработените ги почитуваат своите рокови, оваа привилегија нема да влијае на ефикасноста на работењето. Ако природата на работата не ја дозволува таа можност, размислете дали може да им олесните на вработените на некој друг начин (на пример, работа од дома во случај на негување на болен член на семејството).

5. Време за одмор

Дозволете им на вашите вработени да земат заработат повеќе слободни денови врз основа на нивните постигнати резултати. Без разлика дали сакате да ги наградите со продолжен викенд по завршувањето на некој голем проект или со дополнителен слободен ден за секоја трета година стаж во компанијата, времето за одмор е секогаш добра награда која ќе ви помогне да се разликувате од останатите компании и да ги задржите своите вработени.

6. Неплатено отсуство

Ако на вашите вработени не можете да им овозможите дополнителни платени слободни денови, дозволете им да земат неплатено отсуство од работа кога тоа ќе им биде потребно. Можеби некој од вашите вработени има burn out или пак здравствен проблем на некој член од семејството што го дефокусира од работата.

7. Поголема автономија и одговорност

Дозволете им на вашите вработени да се стекнат со поголема доверба со тоа што ќе им овозможите независно да управуваат со одредени процеси и да вршат работни задачи на свој начин. Овозможете им на постарите лица да преземаат повеќе одговорности. Ова покажува дека им верувате, а за најдобрите вработени ова е баш супер мотивација да бидат уште подобри.

8. Споделувајте информации

Редовното информирање на вработените за вашите бизнис планови, стратегии и цели претставува јасен сигнал за тоа дека им верувате и ги цените.

9. Барајте го и ценете го придонесот

Ако покажете интерес за мислењето на вашите вработени тие ќе предложат решенија кои некогаш можат да бидат вистинската работа – а ефектот е позитивен бидејќи кај нив ќе се развие чувство за припаѓање. Покажете им дека се вредни членови на тимот!

10. Интересна работа

Дали работата што вашите вработени секојдневно ја извршуваат е интересна и предизвикувачка? Најинтересните проекти треба да им ги доделите на најдобрите!

11. Чувство на раст

Споделениот професионален развој ќе им помогне на вработените да се чувствуваат како дел од тимот и компанијата. Разговарајте со вашите вработени на секои три месеци и дајте им го вашиот фидбек. Тоа ќе им помогне во дефинирање на приоритетите, ќе ги поттикне да преземат поголема одговорност и ќе ја зголеми нивната мотивираност.

12. Покачување

Не заборавјте дека нема подобра награда за добро завршена работа од бонус или покачување.  

Компаниите и малите бизниси ширум светот се повеќе се фокусираат на задоволството на вработените. Инклузивните компании кои ги вклучуваат своите вработени во повеќе активности, не само што го зголемуваат нивното задоволство, туку расте и добивката на компанијата.

Според голем број истражувања, постојат неколку работи на кои работодавците мора да обрнат внимание.

Препознавање на индивидуата

Вработениот е повеќе од само некој кој работи во компанијата. Тој може да поминува долги часови патувајќи од и до работа или можеби мора да се справува со други одговорности кога ќе стигне дома. Доколку работодавачот му овозможи на вработениот одредена флексибилност тој ќе создаде среќен работник посветен на неговата улога во компанијата. Малите надоместоци што еден работодавач (ќе) ги (на) прави за својот вработен се враќаат во вид на подобрена продуктивност.

Давање поддршка

Вработените треба да се чувствуваат ценети, почитувани и да им биде ставено до знаење дека нивните придонеси кон компанијата се значајни. На овој начин кај работникот се развива чувство на самодоверба и сигурност во својата позиција во компанијата. Сето тоа резултира со подобро извршување на работните обврски.

Признавање на успесите

Како продолжување на тоа погоре треба да се знае дека кога еден вработен постигнува пресвртница за компанијата, неовисно дали станува збор за мала или голема, признавањето на успехот е од голема работа. Секој сака да се чувствува ценет за своите напори, а тоа влијае кон креирање на вреден и посветен работник.

Споделување информации

Кога ќе дојде време за нов проект во компанијата, потребно е работодавачот да ги сподели сите витални информации со своите вработени. Откако вработените јасно ќе имаат на знаење што ќе се очекува од нив тие ќе работат подобро. Можноста да се биде вклучен не само во проектите, туку и во успесите на компанијата прават многу за задоволството на вработените, нивната продуктивност и темелноста во работењето.

Помош при справување со ситуации

Преку нудење помош на вработените кога тие се справуваат со непријатни ситуации се праќа порака дека компанијата се грижи за своите вработени и дека константно ги поддржува. Како резултат на тоа, задоволните работници ќе знаат дека секогаш ќе можат да се потпрат на својот работодавач.

Се разбира, претпоставката е дека вработените се веќе соодветно платени за работата што ја работат, но штом ќе го постигнете ова, задржувањето на најдобрите членови на тимот може да се поттикне на овие начини:

1) Негување меѓуколегијални односи

Поради природата на нивната работа, претпоставените понекогаш се изолираат од вработените и губат увид во вредните информации за нивниот секојдневен живот.

Организирајте неформално дружење каде што можете да дознаете што прават моментално (приватно и професионално). Обидете се да се поврзете на автентичен начин (споделете со нив информации за вашето секојдневие).

2) Работна средина

Охрабрете ја компанијата да се фокусира на раст и взаемно почитување, држете се настрана од драма и направете сè што можете за да спречите ситуации кои водат до тензија или хаос.

Ова гарантира задоволство на вработените на долг рок. Поминуваме осум или повеќе часа дневно на работа, па затоа е важно да се чувствуваме удобно на работното место.

3) Флексибилен распоред за работа

Флексибилноста најверојатно нема да ве чини и може да донесе многу позитивни резултати.

Без разлика дали дозволувате флексибилно работно време или им дозволувате на вработените сами да си поставуваат темпо (додека ги почитуваат дадените рокови), постои голема веројатност дека ќе го зголемите нивниот ангажман и продуктивност.

4) Работа надвор од компанијата

Целосно или делумно, изборот е ваш. Можете да заштедите трошоци во компанијата и добро е да поставите јасни рокови за да бидете сигурни дека оваа придобивка нема да влијае на ефикасноста на работата.

Доколку природата на работата не ја дозволува оваа можност, размислете дали можете да им олесните на вработените на некој друг начин (на пример, работа од дома )

5) Време за одмор

Дозволете им на вработените да имаат повеќе слободни денови врз основа на резултатите што ги постигнуваат. Без разлика дали сакате да ги наградите со продолжен викенд по завршувањето на работата на голем проект или дополнителен слободен ден, времето за одмор е убава и секогаш добредојдена награда.

Во исто време, јасно дефинирајте ги должностите и одговорностите, како и алтернативните средства за комуникација, особено ако сакате да ги наградите вработените чие отсуство од работното место може да влијае на работата на другите членови на тимот.

6) Неплатено отсуство

Ако не можете да си дозволите платени слободни денови за вашите вработени, размислете за неплатено отсуство. Можеби некој од вашите вработени планира долго патување или сака да поминува време со блиските луѓе. Постојат многу начини на кои можете да го обликувате ова, а за некои вработени тоа ќе биде голема награда.

7) Поголема автономија и одговорност

Ова е огромен чекор за вашиот тим. Дозволете им да ја заслужат вашата доверба давајќи им слобода самостојно да управуваат со одредени процеси и да ги завршуваат задачите на свој начин.

Дозволете им на постарите да преземат повеќе одговорности. Ова покажува дека имате доверба во нив, а за најдобрите вработени ова е голема мотивација.

8) Споделете информации со вработените

Ако редовно ги информирате вработените за деловните планови, стратегија и цели, ќе им покажете дека уживаат во вашата доверба и дека ги цените.

9) Побарајте и внесете вредност

Оние кои сакаат многу брзо да изгубат одличен вработен, само треба да престанат да го бараат мислењето на таа личност. Од друга страна, кога ве интересира како размислуваат вработените и барате од нив да предложат свои решенија, вие им покажувате дека се вредни членови на вашиот тим.

10) Интересна работа

Дали работата што ја вршат вашите вработени секој ден е интересна и предизвикувачка? Доделете им интересни проекти на најдобрите.

11) Чувство на кариерен раст и развој

Заедничкиот професионален раст ќе им помогне на вработените да се чувствуваат дел од тимот и компанијата.

Разговарајте со вработените на квартално ниво и помогнете им да ги дефинираат нивните приоритети, поттикнете ги да преземат поголеми одговорности и охрабрете ги вашите менаџери дополнително да ги мотивираат тимовите со кои раководат.

12) Плата

Оваа точка се става на последно место бидејќи во повеќето случаи навистина не се работи за пари, се додека вработените се платени во согласност со трендовите на пазарот (можете да проверите дали платите во вашата компанија се во согласност со платите во вашата индустрија преку алатката Моја Плата).

Иако парите не можат да купат задоволство, добро е да бидете во тек со трендовите во индустријата. Ако платите во вашата компанија се значително пониски од платите што вработените можат да ги добијат кај вашите конкуренти, поголема е веројатноста тие да заминат.

Сите 12 наведени ставки се исто така дел од Еmployer Branding-от, во кој се повеќе компании инвестираат со цел да ги задржат добрите работници и да привлечат квалитетни кандидати за работа во компанијата. Бидете конкурентни на пазарот на трудот и погрижете се барем некои од ставките да бидат претставени во активностите за брендирање на вашиот работодавач.

Како да креирате одличен оглас за работа?

Она во што повеќето работодавци грешат е тоа што огласите за работа ги перцепираат како список на она што им е потребно и го бараат, па како такви и ги објавуваат.

Правило број 1 е - огласот за работа не е насочена кон работодавачот, туку кон кандидатот, не го занемарувајте тоа. Вашата цел е да го привлечете вниманието на идеалните потенцијални кандидати и да ги охрабрите да аплицираат.

Затоа, огласот не смее да го содржи само она што вие како работодавач го барате од кандидатот (знаења, вештини и квалификации и претходно искуство). Неопходно е да се потенцира и она што вие им го нудите на кандидатите како работодавач.

4 чекори до одличен оглас за работа

Пишувањето на оглас за работа за многу работодавачи е макотрпен, збунувачки и долготраен процес.

За да ви го олесниме овој процес го структуриравме во 4 јасни чекори:

Чекор #1: Започнете од описот на работната позиција

Кога пишувате оглас за работа, започнете од описот на работната позиција што треба да ја пополните.

Описот, кој вработените во HR секторот често го нарекуваат систематизација на работното место, е документ што содржи:

• Опис на работното место
• список на задачи и начини на извршување на истите
• потребни квалификации.

Квалитетен опис на работната позиција е основа за пишување на добар оглас за работа.

Чекор #2: Дефинирајте го вашиот идеален кандидат

Следниот чекор во пишувањето на огласот за работа е да се замисли кандидат кој би бил идеален за описот на работата и вашата организациска култура.

Најлесен начин да создадете профил на идеален кандидат за работа е да одговорите на следниве 4 прашања:

• Која е таа личност?
• Кој сет на вештини треба да ги поседува?
• Каде / како да се поврземе со неа?
• Зошто тој/таа би сакал/а да работи за мене?

Чекор #3: Скицирајте го огласот за работа

Одличниот оглас за работа мора да обезбеди кратки и јасни одговори на следниве 5 прашања:

• За каква работа станува збор?
• Кој е идеалниот кандидат?
• Зошто да работам токму во оваа компанија?
• Како можам да аплицирам за оваа работа?
• Каде треба да работам?

Одличниот оглас за работа ја следи следнава форма:

1. Назив на работната позиција
   Мора да биде јасен, прецизен и вообичаен, така што квалификуваните кандидати ќе можат веднаш да се препознаат.
   
   2. Место на работа
   Наведете ја локацијата, т.е. местото на работа (град и адреса)
   
   3. Список на главните задачи
   Наведете ги само клучните должности и одговорности од описот на вашата работна позиција.
   
   4. Потребни знаења, вештини и квалификации
   Наведете го потребниот вид и ниво на образование и најважните знаења, способности, вештини и карактеристики што кандидатот мора да ги поседува за да може успешно да ја извршува работата.
    
5. Опис на вашата компанија и понуда
   Накратко презентирајте ја вашата компанија и нејзината деловна активност и фокусирајте се на она што им го нудите на кандидатите.
    
6. Упатство за аплицирање
   Задолжително наведете го датумот до кој е активен огласот за работа и прецизно објаснете како се доставуваат апликациите и кои информации треба да ги испратат кандидатите.

Чекор # 4: Прилагодете го вашиот оглас за работа

Последен и клучен чекор во пишувањето на огласот за работа е да го прилагодите на вашиот идеален кандидат.

Како да го направите тоа?

Обидете се да се ставите во улога на вашите идеални кандидати и да го прилагодите огласот за работа според нивните интереси, желби и начин на комуникација. Размислете која содржина и каков тон на комуникација ќе бидат најефикасни за да го привлечете вниманието на вашите идеални кандидати и да ги охрабрите да аплицираат.

За крај, најбитен е каналот на комуникација преку кој ќе стигнете до вашите потенцијални кандидати за работа. Совршено напишаниот оглас сепак не е совршен доколку не стигне до вистинските кандидати. Доколку кандидатите ги контактирате директно преку ваш извор, база на кандидати, препораки или социјални мрежи, внимавајте на тонот со кој ќе им се обратите. Бидете директни, транспарентни, пријателски расположени и не се штедете со давање на информации. 

Доколку сметате дека имате потреба од посредник од доверба кој ќе ви помогне заедно да ги најдете идеалните кандидати кои ќе му се приклучат на вашиот тим, контактирајте нè. Нашите регрутери и целиот тим на Вработување.ком е спремен да одговори на сите предизвици на пазарот на трудот. 17 години сме лидери во HR секторот, а ќе ни биде задоволство доколку нашите години искуство и успешни практики ќе можат да ви помогнат да ги најдете идеалните кандидати и да формирате функционален тим кој ќе ви донесе одржлив раст и развој.

Зошто луѓето даваат отказ? Секако, постојат многу причини: пари, работното време, локацијата, недостатокот на интерес...

За Алисон МекМахон, експерт за човечки ресурси и директор на компанијата TwoFold, најголемата причина зошто вработените се откажуваат е затоа што се уморни од работа за лоши шефови.

Според неа, луѓето се подготвени да преминат преку одредени негативни страни на работното место се додека уживаат во тоа за кого работат.

Во девет од десет случаи, кога еден вработен вели дека си заминува поради подобро платена работа, тоа едноставно не е вистина. Вистината е премногу сурова и на голем дел од вработените им е неудобно да ја кажат, вели МекМахон.

На луѓето им треба лидер, а лошиот шеф е многу веројатно да е и лош водач. МекМахон нуди неколку предлози за оние кои сакаат да ги подобрат своите лидерски вештини, иако се чини дека овие работи се повеќе вродени квалитети, отколку нешто што може да се стекне.

Таа вели дека добриот шеф треба навистина да се грижи за своите луѓе.

МекМахон истакнува дека хроничен проблем на голем број организации е тоа што вработените со добри технички способности и без никакви лидерски вештини се поставуваат на раководни позиции.

Нејзината препорака е компаниите да внимаваат на процесот на промовирање и да обезбедат правилна транзиција на секој вработен.

Луѓето се најзначајниот фактор за еден бизнис да се движи во посакуваната насока, а кога нивниот труд е потценет доаѓа до пад на продуктивноста, мотивацијата и фокусот, а во крајна линија тие си одат на друго место. Тоа значи дека платата е директно поврзана и влијае на успешноста на компанијата.

Токму затоа, доколку работодавачот сака неговиот бизнис да успее тој мора постојано да инвестира и да се грижи за своите вработени да добиваат повеќе отколку што тоа го нуди пазарот. Во продолжение ви посочуваме на 5 причини зошто поголемата плата ќе го зголеми аутпутот на вашата компанија и ќе ги намали вашите трошоци:

1. Вистинските таленти може да се избројат на прсти

Во динамичниот свет на бизнисот, постојат само мал број на луѓе кои располагаат со потребните вештини и се способни да ја завршат работата онака како што треба. Треба да направите се што е во ваша моќ за да ги привлечете овие луѓе во вашата компанија. Ако сте градежна компанија тоа значи дека ви требаат најдобрите архитекти, ако се занимавате со продажба – најдобрите продавачи итн. Еден од најефективните начини за привлекување на најдобрите професионалци е токму преку повисока плата.

2. Квалитетниот кадар создава поголем аутпут

Натпросечната плата автоматски значи дека очекувате натпросечен резултат. Организациите кои го диктираат нивото на плати во индустријата имаат создадено култура на повисок аутпут. За вашата компанија тоа значи креирање на перцепција дека токму таму работат најдобрите и дека сите ќе мораат да се трудат повеќе за да ги оправдаат парите кои ги заработуваат.

3. Секој ќе сака да стане дел од вашиот тим

Вработените кои заработуваат повисока плата во мотивирачка работна средина ќе бидат многу посреќни, особено ако уживаат во тоа што го работат. Најдобрите компании не само што даваат добри плати, туку им посветуваат и дополнително внимание на вработените преку давање на јавни пофалби, награди и нивно инволвирање во процесот на селекција на други вработени. На овој начин, вашите вработени ќе станат ваши најдобри промотори што во голема мера ќе ви го олесни процесот на регрутација.

4. Никој нема да размислува за отказ

Компанија која дава одлични плати и има одлична деловна култура е многу поверојатно да има вработени кои таму се гледаат на подолг рок. Колку подолго некој е во вашата компанија, до толку повеќе ги разбира внатрешните процеси, правила и цели. Тоа не само што ќе ја зголеми целокупната продуктивност, туку и ќе креира посилни врски и тимови во иднина. Дополнително, ќе заштедите на трошоци поврзани со процесите на селекција и регрутација.

5. Вработените повеќе ќе се фокусираат на работата

Кога парите стануваат помал проблем, вашите вработени ќе можат повеќе да се фокусираат на нивните проекти и работни задачи. Знаејќи дека се финансиски сигурни и фер платени, тие ќе бидат психички поприсутни на работа што ќе води кон повисока продуктивност и подобар квалитет во работата.

Заклучок: бенефитите ги надминуваат трошоците

Зголемувањето на платите може да биде тешко на почеток: може да значи помалку профит, но само на краток рок. На долг рок ќе забележите дека не само што ќе ја подигне деловната култура и среќата на вработените, туку и ќе ви заштеди пари.

Зголемувањето на платите се инвестиција кон попродуктивен и поквалитетен бизнис.

Учествувајте во најголемото истражување за плати во Македонија и дознајте колку заработувате во споредба со другите

Платата е дефинитивно еден од најголемите мотиватори на работното место. Работодавачите кои не исплаќаат фер плати многу брзо наидуваат на револт од вработените, и многу често, нивно заминување.

Што да правите како работодавач? Обидете се да ги држите платите на фер ниво, и секако, секој да добие онолку колку што допринел за успехот на бизнисот.

Ако сакате да знаете повеќе за вашата плата кликнете на МОЈАПЛАТА.МК

4 принципи за фер плата

Играјте според пазарот

Најдобриот начин да останете на вистинскиот пат со компензацијата е да знаете колку вашите непосредни, локални конкуренти плаќаат и како тие плаќаат. Спроведете темелни анализи на пазарот. Погледнете ги деталите и направете споредба во индустријата. Размислете за работното искуство и другите фактори како што се вештините и образованието. Разгледајте како другите работодавци плаќаат – дали нудат варијабилна плата, зголемена за бонуси, премии за успешност или бонуси како дополнување на основната плата.

Направете внатрешна споредба

Кој придонесува најмногу во вашата компанија? Дали дел од вашите вработени треба да добијат покачување? Споредбата на вредноста на позициите во организацијата може да помогне да се осигури дека вработените се исплаќаат праведно во однос на нивниот придонес за успешноста на бизнисот.

Директно врзете ги платите со перформансите

Една од најголемите критики кои работодавците ги добиваат од своите вработени е всушност тоа кога вредните работници заработуваат исто со оние кои допринесуваат помалку и кога не постои награда во форма на покачување за оние што имаат подобар перформанс. Тоа може да биде фрустрирачки за вашите најдобри вработени бидејќи нивната плата не го одразува нивниот перформанс. Затоа е од клучно значење редовно да се мерат перформансите на вработените и соодветно да се награди трудот на секој еден работник.

Споделете го богатството

Ако вашата компанија има одлични финансиски резултати, а вработените не се наградени за тоа, тие на крајот ќе забележат и ќе станат разочарани. Ако сакате вашиот бизнис да продолжи да работи успешно и вашите вработени да бидат среќни и да останат со вас, дел од профитот распределетего во форма на бонуси и други финансиски награди. Запомнете дека нивната плата треба да биде поврзана со успехот на компанијата.

Запомнете дека вработените се вашите најголемо богатство. Ценете ги и наградувајте ги според нивните заслуги – во спротивно, ќе ве заменат.

Околу 80 отсто од учесниците изјавиле дека во нивната компанија не земаат 13-та плата или некаков новогодишен бонус, но сепак тие 20 отсто ја имаат оваа придобивка во фирмата каде што работат. Зошто е тоа така?

Иако во нашата земја е распространето верувањето дека тринаесеттата плата е нешто од социјалистичкото минато, има и работодавачи кои сè уште ја сфаќаат како начин на модерен бизнис и кои во декември ги наградуваат своите вработени со дел од профитот што го има направено компанијата.

Кој одлучува кога и дали да се подели бонус?

Нема официјални податоци за тоа колку компании ја применуваат оваа практика, како и колку работници ја имаат оваа се поретка привилегија. Сепак, експертите посочуваат дека за овој чекор најчесто одлучуваат странски компании, за кои ова е глобална деловна политика која ја применуваат и кај нас.

Синдикатите посочуваат дека сé уште има луѓе за кои редовните примања се сон, а бонусите се само замислена именка.

Меѓутоа, денес, кога станува збор за оваа тема, ќе се занимаваме само со позитивни примери и компании кои секоја година со посебни „честитки“ ги третираат своите вработени во декември и им помагаат да го пребродат празничниот период, кој за многумина може да биде особено стресен  поради високите трошоци.. Вработените се особено под стрес поради фактот што овогодинешните прослави се силно погодени од галопирачката инфлација.

Според последните податоци, намирниците се меѓу работите кои поскапеа во последниот период. Исто така, не може да не се забележи дека поскапувањето е присутно и во други области: подароци, украси, одење по ресторани и патувања.

Иако од компаниите можеби нема да се бара да им исплаќаат „честитки“ на своите вработени, бонусите изгледаат како добра практика и придобивка што може да ги привлече истите.

Имајќи ги предвид промените на пазарот на трудот, иселувањето на голем број работоспособни граѓани, дополнителните бонуси, особено во време на инфлација, можеби би можеле да бидат решение за многу компании, покрај другите поволности кои би можеле да ги обезбедат за нивните вработените.

Прифатена е измена на конечниот предлог на Законот за изменување и дополнување на Законот за работни односи со кој се уредува надоместокот на трошоците за работа од дома.

Првичниот предлог беше работникот да има право на надоместок за трошоците направени при работа од дома доколку таквата работа трае повеќе од десет дена во текот на календарскиот месец, а со амандманот тој рок е скратен на седум дена.

Можеби ќе ве интересира: Во оваа држава бремените жени ќе можат да работат од дома во текот на целата бременост

Владата во Хрватска прифати неколку амандмани, а прифаќањето на споменатиот се образложил со тоа што „ќе се постигне подобра рамнотежа меѓу трошоците на работодавачите и материјалната положба на работниците кои работат на друго работно место“, и дека амандманот „ги штити работниците и не предизвикува непропорционални трошоци за работодавачот“.

Во изминатата година, феноменот како „големиот отказ“ и „тивкото откажување“ станале жешки теми, што навело многумина вработени да преиспитаат што им значи работата во компанијата. Најпопуларните клучни зборови во текот на 2022 година, во врска со работата се: „против работа“, „работи колку што си платен“ и „тивко откажување“.

Најголемиот дел од овие разговори се обавувале на Reddit, покажуваат статистиките на агрегаторите на социјални вести.

„Antiwork“ (против работа) е термин кој се однесува на оние кои „сакаат да извлечат максимум од животот без работа“ и „љубопитни се за тоа да ја уништат работата“. Овој термин забележал пораст на споменување на оваа мрежа од 104 % на годишно ниво од септември 2021 година.

„Работите колку што сте платени“, како „тивкото откажување“ претставува повик до работниците да не се вложуваат премногу во работата. Во истиот период забележал зголемување од 95 % во однос на претходната година.

Реалност е дека општото чувство на незадоволство кај вработените во деловниот свет е зголемено, а тие бараат начин своите поплаки и загриженоста да ги изнесат во јавност – без оглед на тоа дали менаџментот проверува дали има повратни информации или не.

Неодамнешните трендови како „тивокото откажување“ укажуваат на тоа дека вработените „се повеќе ги преиспитуваат“ своите улоги.

Експертите тврдат дека „најдобар начин“ за решавање на проблемите на работното место е да ги пријавите директно на менаџерот или организацијата.

Според истражувањето на Институтот за работна сила Achievers, на пример, само 14 % од вработените се согласни дека нивните компании редовно бараат повратни информации за важни прашања.

Повеќето се обложуваат на зголемување на платите. На почетокот на месецот „Lufthansa“ објави дека двапати ќе ги зголеми платите на 19.000 лица од кабинскиот персонал во 2023-та година. Од 1-ви јануари основната плата се зголемува за 250 евра, а од 1-ви јули за нови 2,5%. „Air France“ ги зголеми платите на своите вработени за 5% и обезбедува бонус од 1.000 евра.

„Volkswagen“, пак, повторно преговараше за платите на своите вработени во следните две години за 8,5 отсто и обезбеди еднократен бонус чија вредност по оданочување достигнува 3.000 евра. Друг производител на автомобили, „Stellantis“, на крајот на септември вети финансиска поддршка од 1.400 евра за повеќето свои вработени во Франција и почна да разговара за слична мерка за своите вработени во Италија. Во меѓувреме, синдикатите во Италија побараа зголемување на платите за 8,4 отсто во 2023-та година.

Францускиот производител „Renault“ во септември објави дека на своите вработени им дава еднократен бонус од 1.000 евра.

Во малопродажниот сектор, шпанскиот ланец „Dia“ соопшти дека ќе ги зголеми платите на своите вработени за 12 отсто во следните две години. Специјални бонуси ќе имаат и некои од пониско платените вработени.

Британска „Tesco“ планира порано да исплати 25 отсто од платите на своите вработени, а од почетокот на годината платата е зголемена за 8 отсто.

Од ноември, францускиот трговец на мало „Carrefour“ исто така ги зголеми платите на своите вработени за 2,5%, а за октомври дополнителни 100 евра беа префрлени на платите.

Трговецот на мало „Marks & Spencer“ најави зголемување од 7,4 отсто на минималната плата за своите вработени.

Гигантот за луксузни производи „LVMH“ објави дека ќе плати бонус од 1.000 до 1.500 евра на 27.000 свои вработени во Франција.

Можеби најмногу се следат енергетските компании кои остваруваат огромни профити во услови на рекордни цени на енергијата. Вработените во француската „TotalEnergies“ побараа зголемување на платите за 10%, па дури и штрајкуваа за да го принудат раководството да го исполни барањето. Преговорите се во тек откако беа прекинати неколкунеделните штрајкови на бензинските пумпи на компанијата.

Големите европски банки ќе им делат бонуси на своите вработени – од 500 евра за оние кои работат во „Intesa Sanpoalo“ до 2.500 евра во „Unicredit“. Предвидени се бонуси од 1.500 фунти за оние кои работат во „HSBC“.

извор: denar.mk

Храброста и довербата се секогаш добри, тоа е моето верување – изјавила шефицата на компанијата. Според неа, тој модел е профитабилен и за компанијата и за вработените.

– Работниците имаат свои потреби кои можат да се променат во зависност од нивната животна ситуација. Колку се пофлексибилни рамковните услови на работодавачот, толку повеќе може да се задоволат тие потреби – додаде таа.

Исто така, се наведува како на вработените им се дава автономија и самоодговорност.

– Тие на тоа гледаат како на признание, а тоа придонесува за поголема мотивација и лојалност – објаснува таа.

„Гери Вебер“, се наведува, има намера во иднина да биде „атрактивен“ работодавач. Шефот на модниот бренд смета дека на Германија и е потребен ваков модел поради недостигот на квалификувана работна сила.

Инаку, потсетуваме дека Британија започна со истиот пилот проект, а дека овој модел се покажа како многу успешен и на Исланд.

Кога извршниот директор на една австралиска компанија им испратил мејл на своите вработени во врска со непочитување на јасно дефинираното работно време, не очекувал дека наместо да сподели лекција за работните обврски, ќе добие лекција од неговиот тим.

Неговата компанија со седиште во Сиднеј обезбедува платформа за луѓето да рекламираат работни места како што се чистење и градинарство. Тој и неговиот деловен партнер често работеле до 21 и 22 часот, секоја вечер.

Забележал дека неговите  вработени често одат дома пред 18 часот. Тој решил да испрати мејл до целиот тим во кој објаснува дека вработените во компанијата се обврзани да бидат во канцеларија од 9 до 18 часот, секој работен ден.

Доверба во вработените

Признава дека реакциите не биле позитивни. „Добивме многу остри и брзи одговори од целиот наш персонал.“ Овој потег, поточно реакциите на него, ги натера двајцата основачи да размислат за тоа што е важно, но и како компанијата треба да им верува на своите луѓе.  Дополнително, неопходно е да се овластат да ја вршат својата работа во флексибилна работна средина.

Во ова време по пандемијата, работната флексибилност и воопшто далечинската работа се нешто на што вработените дури и инсистираат. Сепак, за овој вид на работа потребна е доверба.

Интересно е што една студија неодамна објавена од Harvard Business Review заклучи дека вработените имаат поголема веројатност да се опуштат на работа ако се внимателно набљудувани отколку ако се оставени сами. Истражувањето покажа дека довербата, комуникацијата и чесноста се сè што им е потребно на работниците за да се чувствуваат морално одговорни што не се „влечкаат“ на работа.

Како да се измери ефикасноста?

„Верувам дека лекцијата од оваа приказна е дека работната способност на луѓето не се мери по часови, туку според влијанието што го имаат врз бизнисот“, заклучил бизнисменот.

Дали оваа студија, како и примерот на оваа компанија, водат до заклучок дека се соочуваме со нова форма на работа која ќе преовладува? Дали картичките за пријавување на влезот во компанијата и временските листови ќе станат минато? Како работодавачите ќе ја мерат ефикасноста на работниците и кој е најдобриот начин двете страни да бидат задоволни, а вработените да останат мотивирани за работа?.

Инаку, минатиот викенд оваа компанија прослави 10-годишен јубилеј и работа. Оскар Фарма е компанија која дистрибуира додатоци во исхраната. 

Инаку, четиридневна работна недела станува тренд во Европа, па еве овој тренд се следи и во некои земји од Балканот. Многу држави од Европа веќе го воведуваат како редовно работно време, а некои веќе најавија дека планираат да го сторат тоа годинава.

Од земјите во Европа кои воведоа четиридневна работна недела предничи Белгија и Исланд. Белгија уште на стартот на оваа година најави дека ќе го тестира овој модел и ќе види како ќе се одрази на економијата.

Британија, Шкотска и Велс најавија дека ќе се приклучат наскоро кон овој глобален тренд. Германија и Шпанија најавија дека наскоро ќе ја испробаат оваа мерка во рок од шест месеци и ако функционира ќе се воведе како пракса.

Во Македонија синдикатите во образование најавуваат протести за усогласување на минималната плата и барања за зголемување на платите. Матичните лекари веќе штрајкуваа за зголемување на капитацијата. Нема најава дали Македонија планира да се приклучи на глобалниот тренд од четиридневна работна недела, а до сега нема ниту компанија која излегла јавно да објави дека го практикува тоа.

Но, како да се создаде таква средина? Со воспоставување на таканаречената „култура на пофалби“, компаниите испраќаат порака до своите вработени дека се грижат за нив и нивните резултати. Според Inc.com, најдобро е да се пофали:

Јавно

Луѓето сакаат да бидат пофалени и јавно издвоени за нивните достигнувања пред своите колеги. Во исто време, другите вработени сфаќаат дека напорната работа нема да помине незабележано.

Со почит

Неискреноста секогаш се чувствува, а пофалбите што не доаѓаат од срце нема да дадат добар ефект. Вработените ќе почнат да ги преиспитуваат мотивите зад лажните пофални зборови, давајќи им главно негативни конотации.

Конкретно

Подобро е да се фалат конкретни достигнувања, наместо да се работата како целина.

Во вистинско време

Многу е важно да се пофали работникот веднаш по завршувањето на работата. На овој начин работодавачот им испраќа порака на своите вработени дека будно ја следи нивната работа, дека е во тек со се што се случува во компанијата и дека се грижи. Од друга страна, тоа е време кога самиот вработен очекува пофалби и кога тоа најмногу ќе му користи.

Извор: biznisinfo.mk

Мотивираноста на вработените е сила која ја движи целата компанија. Вработените кои се мотивирани покрај тоа што постигнуваат подобри резултати, тие стануваат и лојални кон компанијата којашто ги цени.

За правилно да ги мотивирате своите вработени, најпрво треба да ги истражите нивните потреби и цели.

Како стимулативни средства за зголемување на мотивација најчесто се користат: пари, признанија, одмор, унапредување и слично.

Многумина сметаат дека парите се најголемиот и најефикасниот мотиватор. Меѓутоа, истражувањата покажуваат дека парите се мотиватор само до одредена граница, а кога ќе се достигне таа граница, нивниот мотивациски ефект полека почнува да се намалува.

Тоа значи дека со секој вложен денар, менаџерите ќе добиваат се помалку единици мотивираност.

Токму затоа од клучно знаење е да се знаат и останатите начини на мотивирање на вработените.

Што е тоа што вработените најмногу ги мотивира менаџерот за човечки ресурси може да дознае само доколку директно комуницира со нив.

Принципот на функционирање на успешните големи компании се состои во тоа што менаџментот предлага работници кои заслужуваат награди, како и методи со кои ќе се стимулира работењето на останатите вработени. Исто така, мора да се води сметка за принципот на правничност – секогаш да се наградуваат вистинските луѓе бидејќи во спротивност ќе се јават контра ефекти и демотивација.

Застрашувачки факт е дека 3 од вашите 10 нововработени веројатно ќе дадат отказ во рок од првите 90 дена откако ќе се вработат. Нивните причини за напуштање на работното место можат да бидат различни, од неподготвеност за сработување на нивните работни задачи, некој инцидент во канцеларија или пак, едноставно нема да им се допадне културата на компанијата. Мора да признаете дека ова губи многу од вашето време и пари на вашата компанија, а реалноста е дека може да се спречи со ефективна програма или стратегија. Еве како:

Посакајте му топло добредојде на вашиот нов вработен

Онбординг програмата започнува уште пред првиот ден во канцеларија, односно веднаш по потпишувањето на договорот за вработување. Периодот помеѓу договорот и првиот работен ден е клучен за вашиот нововработен да се чувствува добредојден.

Еве што да направите откако договорот е потпишан

Обезбедете подарок за добредојде кој ќе го чека нововработениот на неговото биро во канцеларија. Ваквото искуство помага новиот вработен во компанијата да направи полесна транзиција во новата работна улога, да се релаксира и полесно да се поврзе со новите колеги.

Испратете e-mail во кој ќе му претставите што може да очекува, 48 часа пред првиот работен ден. Ова е одличен начин со кој можете да изградите структура и самодоверба, да разјасните што да облече, што да донесе на првиот ден, како и сите други важни информации.

Подобрете го задржувањето на вашите вработени преку градење на значајни врски

Градење и формирањето на овие врски на работното место со колегите исто така треба да започне веднаш штом новиот вработен ќе го прифати договорот, но треба да продолжат да растат во текот на нивниот ангажман во компанијата.

Што можете да направите за да изградите силна врска

Испратете е-mail кој ќе го поврзе нововработениот подлабоко со вашата култура, мисија и вредностите во вашата компанијата.

Охрабрете го новиот вработен да биде самоуверен и да се препушти целосно во својата работа, овозможувајќи му не само да се поврзе со колегите, туку и со самата компанија.

Насочете го нововработениот за тоа како компанијата комуницира: дали е тоа преку Slack, Viber или пак е-mail. Ова е особено важно за вработените што работат remote.

Разјаснете ја улогата на нововработениот

Оваа стратегија за задржување на вашите вработени на нивното ново работно место е многу важна за милениумците меѓу вашите вработени, бидејќи тие сакаат да се уверат дека вистински прават разлика и имаат влијание врз компанијата.

Како можете тоа да го направите

Разјаснете како изгледа успехот во вашата компанија.

Идентификувајте и воспоставете ги целите на тимот на нововработениот.

Имајте искрени тековни сесии во кој ќе разменувате повратни информации со нововработениот и неговиот менаџер.

Со добра онбординг програма за нововработените, стапката за задржување се подобрува за 82% и продуктивноста на истите се подобрува за 70%. Кога вработените се добро приспособени и си ја знаат својата улога во компанијата, докажано е дека тие се поуспешни и посреќни на работа.

Клучот е всушност да почнеме да се подготвуваме сега за да бидеме во најдобра позиција во наредниот период.