Густата магла целосно го поремети авионскиот сообраќај и летовите од скопскиот аеродром. Дел од летовите воопшто не полетаа, а дел пак бараа алтернативен аеродром каде да следаат како аеродромот во Приштина, Софија или Солун. Еве детално кои летови беа одложени вчера.
Маглата што ја зафати Скопската котлина продолжува да предизвикува проблеми во авионскиот сообраќај, при што на Меѓународниот аеродром во Скопје се бележат значителни одложувања и откажувања на летови.
Вчера лет од Берлин наместо во Скопје слета во Софија, летовите од компанијата „ВизЕр“ од градовите Малме, Нирнберг и Рим наместо во Скопје слетаа во Приштина. Лет од Варшава на компанија „Лот“ остана во Варшава.
Кои беа откажаните летови од скопскиот аеродром?
Одложени летови за пристигнување:
- Истанбул
- Дортмунд
- Ајндховен
Одложени летови за поаѓање:
- Фридрихсхафен
- Истанбул
Други инциденти:
- Летот од Истанбул синоќа беше целосно откажан.
- Летот од Цирих беше пренасочен.
Летовите од:
- Анталија (Сан експрес),
- Меминген и Баден Баден (Визер)
- Варшава (Лот)
исто така не успеаја да слетаат.
Препорака за патниците:
На патниците им се советува редовно да ги следат официјалните канали на аеродромот и да бидат во контакт со своите авиокомпании за најновите ажурирања. Магливите услови може да продолжат да влијаат на редовноста на летовите.
