Серијата „Пријатели“ е еден од најпопуларните ситкоми на сите времиња, а и денес со задоволство се гледа низ целиот свет
Репризата на ова остварување им донесе огромен профит на главните ѕвезди Дејвид Швимер (кој го играше Рос Гелер), Џенифер Анистон (која ја играше Рејчел Грин), Лизи Кудроу (која ја играше Фиби Бафет), Метју Пери (кој го играше Чендлер Бинг), Мет Лебланк (кој го играше Џои Трибијани) и Кортни Кокс (која ја игра Моника Гелер).
Имено, тие од репризата добија по 20 милиони долари. Заслугата е на нивните менаџери, кои дури по снимањето сфатија дека „Пријатели“ ќе биде хит серија, па сите потпишаа договор во 2002 година да добијат провизија од 2% за репризите.
Да потсетиме, серијата „Пријатели“ се снимаше од 1994 до 2004 година, а во еден период главните актери на овој ситком заработуваа по еден милион долари по епизода.
