Социјалната мрежа „Instagram“ тестира различна опција за прелистување низ содржината на „Story“ кои ги поставуваат корисниците.
Во моментов, содржината на „Instagram Story“ може да се гледа со лизгање (повлекување) налево. Сепак, „Instagram“ се чини дека тестира нешто поинакво, но не сосема ново.
Опцијата, доколку се имплементира, ќе биде новина за „Instagram“, но методот е веќе достапен за „TikTok“ и „YouTube Shorts“.
Се очекува „Instagram“ со примена на веќе познатата метода на гестикулација да успее да привлече повеќе корисници на својата платформа.
„Instagram“ претходно објави дека има прототип на оваа верзија на „Story“, која постоела уште во февруари 2021-ва година, но таа верзија не била достапна за јавноста.
Тековната верзија сè уште е во фаза на тестирање и нема да биде достапна за сите корисници во моментов.
