Дружба со Дедо Мраз и поделба на пакетчиња
По пауза од две години поради ситуацијата со вирусот Ковид19, компанијата Нелт СТ на 26.12.2022 година организираше новогодишна забава за дечињата на вработените на која беа доделени Нелтовски пакетчиња со производи кои компанијата ги дистрибуира.
Задолжени за забава на дечињата беа ликовите од цртаните филмови, кои ги анимираа со детски игри, боење, танцување на детски песнички, цртање на лицата и правење форми од балони.
Децата уживаа во забавата, а Дедо Мраз го дочекаа со громогласен аплауз и радосни извици. Дедо Мраз им прочита новогодишна приказна, а потоа се фотографираше со секое детенце кое му ја шепна својата желба.
Од компанијата изјавија дека секогаш се среќни кога организираат настани кои ги вклучуваат најмалите и најмилите Нелтовци, а детските насмевки може да ги погледнете на фотографиите подолу.
Сакаш да станеш дел од тимот на НЕЛТ? Следи ја компанијата!
