Благица Зикова од Штип вчера роди три момчиња и едно девојче на Универзитетската клиника за гинекологија и акушерство – Скопје Бебињата на брачниот пар Благица и Александар Зикови се родени со помош на докторката Елена Ели Николовска која ја водела целата бременост. Мајката се породила во 31-та недела од бременоста. Бебињата иако се предвремено родени, тие се во добра здравствена состојба. Интересно е што оваа четворка е втора по 27 години во Штип. Првата родена четворка била во 1997 година.