Оглас за работа како дегустатор на пиво во една пиварница во Северна Ирска е наречена „најдобрата работа во светот“.
Огласот го привлече вниманието на дури 2.500 апликанти, но малку од нив ги исполнија критериумите потребни за работата.
Огласот вклучуваше примамлива понуда која вклучуваше бесплатно пиво, чипс, па дури и такси до дома, привлекувајќи го вниманието на ентузијастите ширум светот. Сепак, се чини дека само мал процент од населението ги поседува генетските предиспозиции.
Имено, Џејмс Хјуи, сопственикот на Walled City Brewery во Дери, истакнува дека клучот за се е во „генетиката“, при што само 1/100 до 1/200 луѓе можат да се нарекуваат себеси „супердегустатори “.
„Проблемот е што веројатно не сте свесни дека сте супердегустаторт“, забележа Хјуи, додавајќи дека оваа особина често се открива само во неформални ситуации, како на пример ручек со пријателите.
Главниот производител на пиво Џош Кајл изрази зачуденост од тоа колку далеку луѓето се подготвени да патуваат за бесплатно пиво, истакнувајќи дека некои од нив дошле од Филаделфија и Сан Паоло.
„Две обраќања особено ме импресионираа, Филаделфија во Америка и Сао Паоло во Бразил, што навистина ме изненадува. Но, мислам дека на некој начин го сумира човечкиот род“, додаде тој.
Сепак, и покрај големиот интерес, само 12 кандидати ги исполнија критериумите на ирската пиварница, додека останатите 2.488 кандидати ќе треба сами да си го платат следниот круг пијалок.
