Во срцето на Водно, фотографот Димитар Петровски направи фотографии кои ќе ве вратат во детството.
Тој ги улови несекојдневните моменти на светулките кои го осветлија планинскиот пејзаж. Привлечен од нивниот магичен сјај додека возел велосипед во ноќта, тој се вратил со својот фотоапарат за да ги овековечи овие волшебни суштества.
Фотографиите, објавени на неговиот Твитер профил се направени во период од 30-40 минути и тие го доловуваат прекрасниот светлечки балет на светулките. Оваа ретка глетка на Водно не само што буди чувства на носталгија од детството, туку и ја истакнува природната убавина на нашата околина.
