Периодот на стабилно време продолжува, со студени утра во кои температурата на места ќе биде под нула. Во некои котлини, условите за појава на утринска магла или ниска облачност остануваат присутни. Дневните температури нема да претрпат значителни промени.
Времето денес: Утрото свежо, по одделни котлини и речни долини со услови за појава на магла. Преку денот времето ќе биде сончево со мала до умерена локална облачност поголема во претпладневните часови. Ќе дува слаб ветер од југоисточен правец.
Минималните температури ќе се движат во опсег од -1 до 7 степени, додека максималните ќе достигнат од 18 до 23 степени.
Во Скопје, утрото студено, а во делови од котлината ќе има магла. Со текот на денот, ќе се задржи сончево време со мала локална облачност. Температурата ќе се спушти до 2 степени во утринските часови, а попладневната ќе достигне до 23 степени.
