Утре по одделни котлини ќе има услови за појава на магла или ниска облачност. Преку денот времето ќе биде сончево со мала до умерена локална облачност. Ќе дува слаб до умерен, а наместа долж Повардарието повремено засилен ветер од северен правец, јавува УХМР.
Минималната температура ќе биде во интервал од 0°C до 9°C, а максималната ќе достигне од 17°C до 23°C.
Во Скопје наутро во делови од котлината ќе има услови за појава на слаба магла, а преку денот ќе биде сончево со мала облачност. Ќе дува слаб до умерен ветер од северен правец кој во делови од котлината краткотрајно ќе се засилува. Минималната температура ќе се спушти до 6°C, а максималната ќе достигне до 23°C.
