Времето во Македонија и денеска наутро ќе биде студено, по одделни котлини ќе има услови за појава на магла или ниска облачност, а преку денот ќе биде променливо облачно со сончеви периоди.
Ќе дува слаб до умерен, а наместа долж Повардарието повремено засилен ветер од северен правец.
Во Скопје наутро во делови од котлината ќе има услови за појава на слаба магла, а преку денот променливо облачно со сончеви периоди. Ќе дува слаб до умерен ветер од северен правец кој во делови од котлината краткотрајно ќе засилува.
Од недела се очекува промена на временските услови, под влијание на постудена воздушна маса од север ќе има зголемена облачност и ќе дува умерен, до засилен северен ветер. Дневната температура ќе опадне за 6 до 8 степени.
Од понеделник утринските температури на повеќе места ќе се спуштат под нулата.
Извор: mkd.mk
