Цел ден лежите, а вашата обврска е да гледате серија на Нетфликс и да јадете пица и за сето тоа да добиете месечна плата. Звучи нереално, нели? Па не е измислица бидејќи една американска компанија бара некој што ќе ги рангира тв сериите на Нетфликс, како и доставената пица.
Оваа професија ја носи титулата „Професионален Binge Watcher“, а сè што треба да направи кандидатот кој ќе го помине конкурсот е да ја пронајде најдобрата серија на Нетфликс, но и највкусната пица во градот.
„Секој што ќе го помине конкурсот за работа, ќе добие 500 долари (околу 400 евра) и ќе мора да погледне и да напише прегледи за три серии на Нетфликс, рангирајќи ја и доставената пица. Кандидатот исто така ќе добие бесплатна сметка на Нетфликс, како и буџет за пица и закуски “, стои во огласот.
Конкурсот за добивање на работата има уште едно правило: победникот може да избере три серии, но од следната листа: Queen's Gambit, Bridgerton, Night Stalker: The Hunt For a Serial Killer, Cobra Kai...
„Професионалниот Binge Watcher“ ќе мора, меѓу другото, да ги рангира заплетот, глумата, но и задоволството од епизодите, како и да ги напише впечатоците за крајот на серијата. И пицата ќе се рангира според повеќе критериуми, од изгледот и вкусот, до односот квалитет - цена.
Па, дали се гледате себеси на една ваква работа?
Извор: Noizz.rs
