Се бараат луѓе што ќе гледаат Friends за плата од 22$ на час

Гледајте “FRIENDS “ и заработете 1000 долари

Ако земете во предвид колку време Џои и Ченлдер поминуваа гледајќи ТВ, сигурно ќе се согласите дека тие треба да земаат плата за тоа.

Како што известуваат AS Travel + Leisure, Best Value Schools.org  им нуди шанса на 5 гледачи да заработат 1000$ гледајќи ги првите пет сезони од Пријатели. Тоа е нешто помалку од 45 часа гледање телевизија, а заработката е околу 22$ од час. Исто така на гледачите им се нуди можност да добијат картичка со подароци во вредност од 100$ за купување на декоративни украси поврзани со логото на Friends, како што е маичка со логото на Пријатели, ќебенце украсено со исконскиот портокалов кауч од Central Perk и слично.

Ако ве изберат токму вас, вашата задача ќе биде многу едноставна. Прво, ќе добиете бесплатен пристап за гледање на серијата. Но, исто така ќе мора да го споделите вашето искуство со серијата и на социјалните мрежи. Избраните кандидати ќе треба да споделуваат фотографии, интересни факти поврзани со серијата, цитати и слично.

Единствен услов е кандидатите да имаат повеќе од 18 години и да живеат во САД. Доколку познавате личност што би можела да се пријави, крајниот рок за аплицирање е 31 март, а пријавувањето се прави овде.

​