Извршниот директор на Тесла, Илон Маск, продаде уште 934.090 акции, или околу 1,02 милијарди долари во акции во компанијата за електрични автомобили и неговата компанија за соларна енергија, покажуваат финансиските податоци објавени доцна синоќа на Волстрит.
Во исто време, Маск ја искористи опцијата за купување на скоро 1,6 милиони акции на Тесла по фиксна цена од 6,24 долари по акција, која му беше доделена како компензација во пакетот за компензација во 2012 година, бидејќи не добива плати и парични бонуси, јавува CNBC.
Користејќи ги опциите, кои истекуваат следната година, Маск го зголеми својот удел во Тесла овој квартал од околу 170,5 милиони акции на над 177 милиони акции, објави Wall Street Journal.
Шефот на „Тесла“ почна да продава акции на 8 ноември, делумно за да ја подмири даночната сметка.
На почетокот на ноември, Маск анкетираше милиони свои следбеници на Твитер, прашувајќи ги дали да продадат 10 отсто од акциите на Тесла. Тие гласаа за. Според некои проценки, Маск има уште повеќе од милион акции за продажба од планираните околу 17 милиони акции, со цел да се постигне целното отуѓување на 10 отсто сопственички удел.
Но, голем дел од продажбата што следеше по забавната анкета на Твитер, беше дел од планот што Маск го врати во септември оваа година, знаејќи дека ќе мора да ги подмири своите значителни даночни обврски, забележува CNBC.
Неодамна на Твитер објави дека ќе го плати највисокиот данок во историјата на САД, во износ од над 11 милијарди долари.
Оваа година акциите на Тесла пораснаа за повеќе од 54 отсто, со што Маск стана најбогатиот човек на светот. Според проценките на Форбс, неговото нето богатство сега надминува 275 милијарди долари, врз основа на сопственичкиот удел во „Тесла“ и нејзината вселенска компанија SpaceX.
