Иако некое непишано правило вели дека лицата над 60 години веќе треба да се повлекуваат од работните позиции и да размислуваат на мирен пензионерски живот, уживајќи во своето богатство сепак во светот тоа не е така.
Големите светски бизнисмени и покрај создадените империи сепак се активни на своите работни места, најчесто како претседатели на управните одбори а некои од нив имаат близу 100 години.
Еден од најактивните постари бизнисмени во нашата околина е Мирослав Мишковиќ сопственикот на Делта Холдинг во Србија кој има 77 години и се уште е активен.
Станува ли збор за желба заработа или недоверба во своите помлади наследници да го препуштат бизнисот не знаеме но сепак овие „старци„ се за секоја пофалба бидејќи се рамо до рамо со своите 40 годишни колеги!
Погледнете ја листата на најактивните бизнисмени со 70+ години:
1. Ворен Бафет оваа година полни 92 години. Тој се уште е на чело на Беркшир Хатавеј и, се разбира, сè уште е најголемиот и најуспешен инвеститор познат на светот. Цел живот се занимава со бизнис, од мали нозе.
2. Брајан Чарлс Дуперол има 75 години и целата своја кариера ја посвети на светот на осигурувањето. Моментално е извршен директор на АИГ, а е и поранешен претседател на оваа компанија. Тој е математичар по образование и ја напушти AIG во 1994 година за да работи за конкурентската компанија ACE Limited. Дуперол официјално се пензионираше пред 15 години, но сепак се врати во бизнисот пред четири години во АИГ, компанијата во која ја започна својата кариера.
3. Лесли Векснер има 85 години, основачот на империјата L Brands (Victoria's Secret, Bath & Body Works), која минатата година објави приход од 13 милијарди долари.
4. Руперт Мардок, роден во Австралија, оваа година наполни 91 година и е голем љубител на медиумите. Го нарекуваат „медиумски тајкун“. Тој и понатаму работи како претседател на корпорацијата FOX.
5. Нобукугу Шимизу е јапонски основач на Life Corp. и е на чело веќе 60 години. Тој во април наполни неверојатни 96 години, а медиумите пишуваат дека пред шест месеци дал оставка од челната позиција на Life Corp.
6. Фредерик Смит е познат во светот како основач и претседател на FedEx. Тој го основа Федерал експрес во 1971 година со четири милиони кои ги наследил од неговото семејство. За кратко време компанијата го прошири својот бизнис, а денес богатството на Смит се проценува на над 14 милијарди. Во август полни 78 години.
7. Мартин Сорел има 77 години и е основач на WPP plc, една од најголемите светски агенции за рекламирање и ПР. Во британскиот деловен свет е познат и како најплатен директор.
8. Ли Ка Шинг е добро познат магнат од Хонг Конг кој во текот на неговата кариера се занимавал со транспорт и недвижнини и финансиски услуги и енергија. Тој е сопственик на угледната компанија Cheung Kong Holdings. Според Форбс, Ли Кинг е најбогатиот човек во Хонг Конг (35 милијарди). но тој е веројатно најбогат по деловно искуство бидејќи оваа година наполни 94 години.
9. Мајкл Блумберг е исто така активен бизнисмен на листата на најголеми, со 80 години. Деветтиот е најбогатиот Американец. Тој е основач на компанијата Bloomberg LP, која е многу успешна во технолошкиот свет. Паралелно, компанијата разви и споредни активности и производи (Bloomberg News, Bloomberg Message). Блумберг е познат и како еден од градоначалниците на Њујорк.
10. Алан Милер е основач на Universal Health Service и денес на 85-годишна возраст е на чело на оваа компанија и нејзин извршен директор. Минатата година заработиле 11,5 милијарди долари.
