Во последните три години нагло се зголеми бројот на Македонци кои станале бугарски државјани. Ова се вели во официјалниот извештај на Министерството за правда.
И во годините кога светот беше затворен од пандемијата на коронавирус во 2020 и 2021 година, бројот на Македонци кои добија бугарско државјанство е многукратно поголем од претходните години.
Само во 2020 година нивниот број е над 9 илјади лица, а во 2021 година е 7.692 или речиси половина од сите што добиле бугарско државјанство годинава – 15.167 лица.
За споредба, во периодот 2013-2019 година меѓу 1.867 и 6.193 Македонци станале бугарски државјани, но и тогаш нивниот број е многу поголем од бројот на оние кои добиле бугарско државјанство од други земји.
До денес, речиси 3.500 Македонци чекаат да им биде издаден указ за да добијат бугарско државјанство.
„Статистиката од последните 3 години јасно докажува дека Македонците не се под влијание на антибугарската хистерија во РСМ и продолжуваат да бараат бугарско државјанство“, констатираат од агенцијата.
Веднаш по Македонија по бројот на добиени бугарски државјанства е Молдавија, каде што се преселиле многу Бугари кон крајот на 18 и почетокот на 19 век. 26.161 жители на оваа поранешна советска република денеска поседуваат бугарски пасоши. Бројот на Украинските Бугари е половина од Молдавците – 14.391.
извор: lokalno.mk
.jpg)
