Сѐ помал интерес за изучување на македонскиот јазик.
Поразителни податоци доаѓаат од Филолошкиот факултет во Скопје по првиот уписен рок за студенти за учебната 2022/23 година. На насоките „Македонски јазик“ и „Македонска книжевност и јужнословенски книжевности“, заклучно со вонредни студенти, се запишале вкупно 16 студенти, од слободни 190 места.
По оваа информација следуваа бурни реакции на социјалните мрежи.
-Јазикот мајчин како основа, нема кој да го изучува! Си ја губиме државата...
-После нема кој да напише трезвено соопштение? Епа ќе нема! д
-Еен професор има плата еднаква како продавач во локален маркет.
-Полека, но сигурно се губи основата за една држава, јазикот.
-Јазикот е нашата татковина, а ние сè помалку го знаеме и цениме. Би сакала повеќе луѓе да ја сфатат суштината и загриженоста.
Ова се дел од ставовите на Македонците.
Но, очигледно проблемот е многу поширок и повеќеслоен.
Некои сметаат дека не е до интересот, туку како завршуваат средно младите се одлучуваат да „го фатат патот“ во странство, надвор од држвата каде нивниот труд ќе биде ценет, а не со плата со која се издржува од 1-15. во месецот.
-Ниски плати земаат професорите по македонски јазик. Едноставно, не може да бидат исто платени како и локалните продавачи, смета една млада девојка која вели дека повеќето од младите веќе го направиле својот избор, со цел поперспективна иднина.
