Повеќе од 20 компании од Македонија го потврдија учеството на виртуелниот саем за вработување!
13-та година по ред, водечките портали за вработување во регионот, Vrabotuvanje.com.mk – Македонија, MojPosao - Хрватска, Poslovi Infostud - Србија, MojPosao.ba - Босна и Херцеговина и Deloglasnik - Словенија го организираат најголемиот и единствен онлајн саем за вработување каде најпрестижните компании од регионот на уникатен начин ќе ги претстават своите можности за вработување.
Регионалниот онлајн саем за вработување е одлична можност да:
- Да објавите огласи за работа пред голем број потенцијалнни кандидати;
- Да ја брендирате вашата компанија како посакуван работодавач;
- Да воспоставите контакт со кандидатите и да ја изградите својата база;
- Да најдете совршен кандидат за вашиот тим;
- Да ја претставите компанијата во 5 земји во регионот.
Минатогодишното издание на саемот забележа вкупно 583.540 посети, 1.166 огласи поставени од повеќе 150 компании и 49.286 апликации.
Виртуелниот штанд се креира со неколку едноставни чекори, без потреба да трошите ресурси за патување, ангажман на вработените, печатење промотивни материјали. За разлика од традиционалните саеми, онлајн саемот е достапен 5 дена, 24 часа на ден преку сите (десктоп / мобилни) уреди, а кандидатот може да го посети кога му одговара.
Досега, учеството на саемот го потврдија над 20 најголеми компании од Македонија во областа на производството, трговијата, ИТ индустријата.
Ќе имате можност да ги посетите штандовите на компании како Coca Cola, IKEA, Raiffeisen, Henkel, Hrvatski Telekom, OTP Banka, Lidl и многу други компании од Србија, Хрватска, Словенија и БиХ. Учество на саемот и огласи за работа за кандидати од Македонија најавија Кроација Осигурување, Жикол, Ingosoftware, Metro, Marquardt Macedonia, Strabag, Gerresheimer, Нептун, Data Masters, Лакталис, Adient Automotive, НЛБ Банка, Lioned, Македонски Телеком, Микросам, Magna Automotive, Kromberg & Schubert Macedonia, APS MC, Датабанк ДООЕЛ, Таргет Холдинг и други.
Пријавите за најголемиот регионален онлајн саем за работа што се одржува од 17 до 21 октомври се во тек.
ЗА КОМПАНИИ
Сакате да резервирате штанд за вашата компанија?
РЕЗЕРВИРАЈТЕ ШТАНД
