Во услови на високи цени на огревното дрво или пелетите, домаќинства се одлучуваат да користат нешто што е полесно достапно и поевтино. Но, тоа што е поевтино го загадува воздухот и го загрозува здравјето на граѓаните.
Екстремно загаден воздух, доминантен загадувач е ПМ 2.5“ - ваква порака деновиве на своите мобилни телефони можеа да забележат бројни жители на Скопје, кои ја користат апликацијата „Мој воздух“, која што го мери квалитетот на воздухот. Иако грејната сезона само што започна, во делови на Скопје веќе се дише опасен воздух. Енергетската криза само ги зголеми стравувањата на жителите на главниот град како ќе се преживее зимата, во услови кога во недостиг на гас, скапи дрва и пелети, во игра се враќаат поевтини начини на загревање, коишто ја загадуваат животната средина.
Кризата како предизвик
Тешко е да се каже во текот на зимата колку од граѓаните ќе се префрлат на горива коишто ја загадуваат животната средина. Но, податоците на Заводот за статистика укажуваат дека околу 40 проценти од населението живее на граница на сиромаштија пред добивање социјална помош или пензија. „Тоа значи дека кога ќе се зголеми цената на огревното дрво или пелетите, тие домаќинства ќе се одлучат да користат нешто што е полесно достапно и поевтино.
Повеќе за темата прочитајте на www.dw.com
.jpg)
