Кои се Алма – М?
Компанијата е основана во 1991 год. во Скопје и иницијално се занимава со увоз и извоз на стоки од широка потрошувачка. Во 1996 год. за прв пат доби можност да врши увоз, дистрибуција и продажба на производите од реномираната компанијата WRIGLEY. Во 1999 год. Алма-М се проширува на територијата на Р.Косово со седиште во Приштина за кaде го добива правото за увоз и дистрибуција и продажба на WRIGLEY производите и за Р Косово.
Компанијата денес
Алма-М е приватна компанија во сопственост на едно лице. Бројот на вработени ја надминува бројката од 180 лица. Компанијата располага со имоти со површина од 30.000 м2 каде се наоѓаат: 1. Нов модерен магацин согласно HACCP стандардите со капацитет од: а. 3274 палети на амбиентални услови б. 1000 палети во ладни услови (14 ° C до 18 ° C) в. 900 палетни седишта – фрижидер (-18°C до -40°C) 2.Административна зграда на површина од 1860 m2. Возниот парк располага со 128 возила, од кои: 1. Комбинација со натоварен дел под ладени услови – 17 возила 2. Камиони ладилници – 21 возило 3. Pick-up – 43 возила 4. Патнички автомобили – 47 возила Имплементиран во 2010 година ISO 22000 стандард и Систем за управување со складиште за ефикасно ракување со складиштето.
„Ние во Алма-М веќе 31 година сериозно ги проучуваме и подготвено ги пречекуваме сите промени и новости кои доаѓаат, преку развој, дејствување и трансформација на бизнисот, носејќи нови квалитети за нашите клиенти. Посветуваме посебно внимание на развој на човечките ресурси. Привлекуваме, развиваме и задржуваме најдобри професионалци и наградуваме за нивните резултати“.
Партнери на АЛМА – М
Mars, Nestle, ZOTT Gourmet Dairy, Mogyi, Ferrero, HÖHÉ, Froneri, Pomurske Mlekarne, Smoking.
АЛМА-М ДООЕЛ Скопје е секогаш отворена за соработка со кандидати кои се вредни ентузијасти и сакаат да работат со тим кој секогаш е спремен за нови предизвици во иновативна и динамична околина. Сите огласи можете да ги најдете на следниот ЛИНК.
