Словенечкиот министер за здравство го претстави владиниот план за реформи во здравството, според кој дополнителното здравствено осигурување ќе се укине во 2025 година.
Владата ќе го следи финскиот и естонскиот модел во обид да постигне ефикасна, дигитализирана и одржлива здравствена заштита, јави СТА.
И покрај зголемениот број лекари во здравствениот систем, тој број се' уште е под просекот на ЕУ каде зголемен е бројот на медицински сестри, но дека е намален бројот на медицински сестри со средно образование и дека поради дисперзија во која се наоѓа системот, се зголемува времето на чекање за испитување, а побарувачката за повисоки плати е константна.
Би ве интересирало: "Приучени" медицински сестри: Проблем од национално значење!?
Тој рече дека реформираниот систем мора да биде дигитализиран и транспарентен.
„Ако системот е јавен и транспарентен, ризиците од корупција и интересни групи сами ќе се повлечат“, рече министерот, додавајќи дека реформата на платите во јавниот сектор е предуслов за реформите во здравството.
Клучна цел на реформата ќе биде повторно воспоставување на основниот третман на пациентите на примарното ниво на здравствена заштита.
„Вкупно 80 проценти од пациентите се лекуваат на тоа ниво. Мора да се намали товарот на итните служби, а специјалистите од секундарно и терцијално да почнат да ја вршат својата работа. Општите лекари и педијатрите ќе бидат ослободени од административните задачи што ќе ги извршуваат другите членови на нивните тимови, кои исто така ќе бидат редефинирани“, најави министерот.
