![Со закон го зголемува бројот на жени во политиката и водењето бизнис](https://s.vrabotuvanje.com.mk/data/images/preview/article/c1/f860c61c-resize-820x0x100.jpg)
Шпанската левичарска Влада во пресрет на Меѓународниот ден на жената, денеска го претстави нацрт-законот кој има за цел да го зголеми уделот на жените во политиката и управувањето со бизнисот и да ја унапареди родовата еднаквост во една од водечките земји во светот по тоа прашање.
Законот за еднаква застапеност се обидува да го воведе принципот на целосна родова еднаквост на изборните листи и да наметне минимална застапеност на жените од 40% во управните одбори на големите компании.
„Мораме да искористиме 100% од женскиот талент во нашата земја за да ја подобриме продуктивноста на компаниите и со текот на времето да имаме посилен и поодржлив раст“, рече министерката за економија Надиа Калвино по седницата на Владата, во која жените прв пат во Шпанија бројчано ги надминаа мажите.
Извор: kajgana.com