Осумчасовниот работен ден претставува нус производ на индустриската револуција. Шведскиот психолог Ендерс Ериксон низ годините поминати во проучување, открил дека врвните експерти не можат да одржат интензивна работа и целосна концентрација подолго од 2 часа. Од тука произлегува прашањето: Ако најдобрите во својата област се способни да имаат фокус на работата само два часа, колку продуктивност може да се добие од вработените чие работно време трае 8 часа?
Погрешна претпоставка е дека сите луѓе работат на ист начин. Некои луѓе немаат проблем со станувањето рано наутро, додека за други тоа е најтешкиот дел од денот. Факт е дека сите ние имаме свој "продуктивен час" и тој се разликува од една до друга личност.
Исто така, факт е и дека во текот на тие 8 часа луѓето носат голем број на одлуки и оваа активност резултира со намалување на нивната волја за работа. За да не дојде до тоа се препорачува да го ограничувате бројот на работи кои треба да ги направите во текот на денот и да имате некој вид на рутина која ќе ја следите. Истражувањата покажуваат дека оние кои имале сослушување пред времето за ручек било многу поверојатно дека ќе добијат помилување, за разлика од тие кои сослушувањата им биле закажни после времето за ручек. Се смета дека во тој период судиите веќе почнале да чувствуваат одреден замор кој влијаел на способноста за донесување одлуки.
Креативни откритија не се случуваат додека седите на биро. Креативноста обично е резултат на времето поминато надвор од нашата канцеларија, односно периодот на инкубација. Осумчасовниот работен ден не значи и ефикасност и доста често не се прави разлика помеѓу ангажираност и продуктивност. Можеби е можно сето она што се случува во текот на еден 8-часовен ден да се случи и во текот на четиричасовниот работен ден. Доколку може да се доживее поголемо ниво на ефикасност и продуктивност со пократко работно време, можеби е добро да се размисли како опција за скратено работно време.
За полесно да се издржат овие часови, правете кратки паузи. Запомнете дека не треба да земете одмор дури откако ќе почуствувате замор. Истражувањата покажуваат дека вработените кои правеле почести паузи биле многу попродуктивни од оние кои не практикувале одмор. Оддалечете се од работата и мислите поврзани со истата. Прошетајте, направете разговор со некој од колегите или едноставно поминете неколку минути правејќи некоја активност која целосно ќе ви го одвелече вниманието од работните обврски. На тој начин најефикасно ќе успеете да си го повратите еланот и да продолжите со остатокот од работниот ден.
