Според податоците на Eurofound, европската агенција за подобрување на условите за живот и работа, во Хрватска повеќе од 30 отсто од работниците поминуваат најмалку четвртина од своето работно време на високи температури.
Летните температури се почесто достигнуваат многу високи нивоа, 35 или 40 степени, што значително ги отежнува условите за работа. Работниците кои често работат на отворено, како на пример во градежништвото, се особено изложени на ризик. Вршењето тешка физичка работа на високи температури може сериозно да го загрози здравјето и животот, па затоа има иницијативи за законско регулирање на ова прашање.
Поголемиот дел од земјите на Европската Унија законски не ги регулирале максималните температури прифатливи за работа. Во Белгија, на пример, највисоката температура за лесна физичка работа е ограничена на 29 степени. За средно тешки работни места највисоката дозволена температура е 22 степени, а за најтешките работи границата е поставена на 18 степени.
Над 30 отсто од работниците во Хрватска работат на високи температури
Слични прописи има и Унгарија, каде што максималната температура за канцелариска или лесна физичка работа е поставена на 31 степен, а за најтешка физичка работа на 27 степени. Надвор од ЕУ, во Црна Гора, највисоката температура на воздухот на која е дозволена работа е 36 степени.
Според податоците на Eurofound, европската агенција за подобрување на условите за живот и работа, во Хрватска повеќе од 30 отсто од работниците поминуваат најмалку четвртина од своето работно време на високи температури.
Најранливите се градежните работници, особено постарите лица.
