Неуромедика е првиот приватен медицински бренд во Македонија кој веќе 26 години работи на полето на современа и напредна здравствена заштита. 26 години искуство поминати низ константен раст и развој, и стремеж да се достигне врвно здравство и беспрекорни услови за лекување на нашите пациенти. Посебен акцент на работата болницата Неуромедика е ставен на современата дијагностичка медицинска апаратура и комплетната 24 часовна медицинска услуга со вклучена домашна посета и санитетски транспорт од страна на нашите медицински екипи.
Тимот на НЕУРУМЕДИКА е составен од искусни и професионални доктори и медицински лица чијашто основна цел е грижата за здравјето на секој пациент. Распогаламе со стручен медицински тим кој е секогаш достапен за консултации со пациенти. Нашите вработени имаат можност преку работа со најсовремена опрема и технологија максимално да придонесат кон подобрување на здравјето на луѓето.
Редакцијата на Vrabotuvanje.com продолжува да ви ги презентира успешните приказни на луѓето на Неуромедика и овој пат разговараме со Кристина Илиоска, администратор – оператор во болницата Неуромедика која за огласот дознала токму преку порталот www.vrabotuvanje.com.mk.
Првиот работен ден на новото работно место е момент којшто останува во меморијата на секој професионалец. Ви откриваме како Кристина го памети својот прв работен ден во Неуромедика.
Кристина Илиоска: Првиот работен ден ми беше доста возбудлив, исполнет со малку трема но и позитивни мисли дали добро ќе се снајдам и одговорам на зададените работни задачи. За среќа денот помина одлично, бидејќи добив максимална поддршка и помош од сите колеги.
Од искуствата на главната медицинска сестра Марина Сапунџиева и доктор Миодраг Врчаковски дознавме дека секој работен ден во Неуромедика е уникатен и различен без оглед на тоа што секој вработен ја знае и си ја врши својата работа. Кристина ни покажа како започнува работниот ден на еден администратор во болницата.
Кристина Илиоска: Работниот ден на еден администратор започнува со подготовка за тековната работа која за претстојниот ден, вклучување на програми кои ни се неопходни за работа, проверка на распоред за закажани пациенти и консултации со колегите за работните обврски кои ќе ги имаме во текот на денот.
Работните обврски на секој администратор зависат од тоа на кој пулт работат. Моето работно место е на инфо пултот (главен пулт) и основните работни обврски се прием и проследување на пациентите за прегледот кој им е потребен, средување на документација.
Запрашавме дали токму администраторите се тие кои ги примаат телефонските повици од пациентите и како се справуваат со итните случаеви?
Кристина Илиоска: Сите администратори примаат повици од пациенти, а во врска со итните случаеви максимално се трудиме да им помогнеме нудејќи им прегледи кај нашите специјалисти доктори со тоа што ги поврзуваме со нив за било каква консултација или им организираме домашна посета.
Генерално, за позицијата администратор во болницата Неуромедика постои голем интерес од страна на работобарателите. Кристина ни открива кои биле нејзините очекувања пред да се пријави на огласот и дали истите се остварени денес?
Кристина Илиоска: Во врска со моите очекувања за работното место, очекував дека ќе имам работа со пациенти и луѓе кои навистина имаат потреба од нашата помош. Но пред се очекував дека ќе имам динамична работа. За на крај моите очекувања да бидат исполнети во целост но добив и повеќе од очекуваното. Одлична и позитивна работна атмосфера.
Што може да се научи во Неуромедика за период од една година?
Кристина Илиоска: Во изминатава една година работно искуство во Неуромедика, сфатив дека работата со пациенти не е воопшто лесна, меѓутоа добрата комуникација, љубовта кон работата, а пред се разбирањето се клучниот фактор за успешна работа и задоволни пациенти.
Кристина издвои и три најдобри бенефиции кои ги имаат вработените во Неуромедика.
Кристина Илиоска: Беспрекорна комуникација со менаџментот и колегите, одлична работна атмосфера и здравствени бенифиции кои вработените во болницата ги добиваат.
Од позицијата администратор може да се напредува, особено ако сте дел од Неуромедика. Прашавме и што се е потребно за да се отскокне на следното скалило.
Кристина Илиоска: За напредок на еден администратор е најбитно пред се да ја сака својата работа. Потребни се добри организациски способности, тимска работа, одлична комуникација, флексибилност, признавање на грешки и учење од истите.
Кристина има и порака за сите кои сакаат да станат дел од Неуромедика:
За кандидатите кои сакаат да аплицираат кај нас, пред се треба да ја сакаат работата со луѓе, да имаат одлична комуникација и разбирање. Секој што ќе работи со нас го очекува одлична работна атмосфера со позитивни и насмеани колеги, колеги со максимална поддршка во секое поле, заедничко дружење и со гаранција одличен и квалитетно исполнет работен ден, - вели Кристина за редакцијата на Vrabotuvanje.com
Сакате да станете администратор во Неуромедика?
