Славниот ресторан за брза храна го напушта соседството: Заминуваат по 11 години работа и нема да се враќаат
По единаесет години работа во Босна и Херцеговина, Мекдоналдс ги затвори своите деловни единици на почетокот на оваа година. Многумина мислеа дека тоа е привремено.
По единаесет години работа во Босна и Херцеговина, рестораните за брза храна Мекдоналдс ги затворија своите деловни единици на почетокот на оваа година. Сега, се чини, тоа е конечно.
Откако во медиумите се појавија шпекулации дека групата Бинго може да ја преземе лиценцата за популарниот синџир за брза храна Мекдоналдс, локалниот портал Аваз дознава дека оваа компанија веќе подолго време нема намера да се врати и да работи во БиХ, пишува Kurir.rs.
Бинго демантираше дека испратиле барање за преземање на франшизата и дека за сè се информирани и сопствениците на просторот во кој се наоѓаа рестораните на Мекдоналдс, се наведува.
Како што истакнуваат, заминувањето на гигантот за брза храна од БиХ е лоша порака за инвеститорите кои инаку поради политичката нестабилност и корупцијата често ја избегнуваат БиХ.
Да потсетиме, последниот хамбургер беше послужен во Сараево на 30 декември. Мекдоналдс ѝ сврте грб на Босна и Херцеговина, бидејќи, според информациите од седиштето во САД на почетокот на годината, сакаа да спречат понатамошно оштетување на имиџот на брендот.
„Метежот пред Мек во главниот град на БиХ, Сараево, како оној на 30 декември,не е забележан од неговото отворање во 2012 година. Тој ден имаше голем интерес за хамбургерот, бидејќи Мекдоналдс беше последниот гигант за брза храна кој се служеше во БиХ. Она што долго се најавуваше, стана реалност за неколку дена: Американците ги затворија своите врати во Босна и Херцеговина и го напуштија пазарот“, напиша тогаш меѓу другото Марко Петелин во весникот „Клајне Цајтунг“.
Во текстот објавен во весникот „Клајне Цајтунг“ се наведува дека директорот Харис Ихтијаревиќ привлекол внимание со својата екстраваганција и многу недоследности во раководството. „Се натрупале големи долгови. Се наведува дека станува збор за обврски во износ од 1,2 милиони конвертибилни марки. Освен тоа, корисникот на франшизата го изгубил спорот против банката околу закупот на деловниот простор на улица Титова во Сараево“, пренесуваше DW.
