Дали и колку автобуси Белград ќе донира за Скопје?
По донацијата на вакцини и локомотиви, Србија повторно со помош за Македонија. Белград ќе испрати автобуси за Скопје, но и другите градови во земјава
Станува збор за полските автобуси Соларис Урбино 18, од кои во последниве 15-ина години во Србија се обезбедени над 200 вакви автобуси.
Информацијата ја откри српскиот Центар за локална самоуправа, oд каде сметаат дека одлуката да се донираат автобуси е произволна, неразумна и штетна за граѓаните на Србија. Реакција стигна и од српската Партија на слободата и правдата, кои алармираат дека на улиците во земјата ќе останеле само кинески и турски автобуси.
Јавниот превоз во Скопје е во сериозни проблеми подолг период, особено со стартот на учебната година. Од прекумерно доцнење на автобусите и лошата кондиција на возилата до протести на приватните превозниците.
