Маск е првиот човек во светот кој има повеќе од 400 милијарди долари

Илон Маск е првиот човек кој достигнал богатство од над 400 милијарди долари, според Форбс и Блумберг, јави ДПА. Неговото богатство главно се состои од акции во производителот на електрични автомобили Тесла и компанијата SpaceX.

Американскиот магазин Форбс го процени богатството на Маск на 431,2 милијарди долари, а Блумберг соопшти дека тоа изнесува приближно 447 милијарди долари.

По американските претседателски избори на почетокот на ноември, растот на цената на акциите на Tесла го направи Маск (53) значително побогат, барем на хартија. Инвеститорите шпекулираат дека Тесла ќе има корист од моменталната блискост на Маск со новоизбраниот американски претседател Доналд Трамп, наведува ДПА.

Маск, роден во Јужна Африка, сега американски државјанин, го поддржа Трамп со милиони донации за време на изборната кампања и ќе биде дел од владата на Трамп.

Извор: nezavisen.mk

Aktualno

Се враќаат линиите Скопје – Гевгелија по поправката на локомотивата
По девет месеци пауза од денеска во фунцкија се враќа железничката линија на релацијата Скопје – Гевгелија. Според новиот возен ред, патниците ќе имаат на располагање две линии во двата правци.
Маркетите во моловите ја стартуваа празничната кошничка, сите останати од утре!
Новогодишната кошничка почнува да важи денеска за маркетите кои се дел од трговските центри низ државата, за сите останати обврска за трговците е да ги намалат цените и да продаваат со 10 отсто попуст на договорените производи од понеделник. Надлежните објавија дека над 900 прехранбени производи ќе бидат обележани во маркетите.
Не давајте податоци, не купувајте на Ви-фи мрежа: Внимавајте кога пазарите онлајн, опасности демнат од сите страни
Предновогодишното пазарување е во полн ек. Луѓето понесени од новогодишната еуфорија како да ги изгубија сите психолошки кочници за шопинг, па пазарат и купуваат и што треба и што не треба. Се купува по продавниците, но сè повеќе и онлајн, некогаш и не размислувајќи дали трошењето пари е безбедно, од финансиски аспект.
Листа на Air Visual: Скопје е 13-ти најзагаден град во светот
Главниот град утрово на листата на air visual e на 13-то место, а пред него се двата индиски градови, Мумбај и Калкута. Зад Скопје е Доха во Катар.
Ауди ја затвора фабриката во Брисел – 3.000 луѓе остануваат без работа
По 75 години историја, фабриката на Audi во Брисел ќе го прекине производството на почетокот на 2025 година, оставајќи околу 3.000 вработени без работа. Преговорите за социјалниот план меѓу раководството и претставниците на работниците пропаднаа, што доведе до крај на обидите за компромис.
УЈП со важно соопштение за сите кои организираат празнични прослави
Управата за јавни приходи со потсетување за сите кои организираат празнични прослави.