Според прогнозата од УХМР, новогодишните празници ќе ги дочекате со стабилно време и пријатни дневни температури, додека утрата ќе бидат студени со услови за појава на магла во одделни котлини.
На 31 декември минималните температури ќе се движат од -7°C до 1°C, додека максималните ќе бидат од 3°C до 10°C.
Денот ќе биде сончев со мала локална облачност, а ќе дува слаб до умерен ветер од северозападен правец.
Првиот ден од новата година ќе започне студено, со минимални температури од -7°C до 0°C. Максималните дневни температури ќе достигнат од 5°C до 13°C.
Преку денот ќе биде претежно сончево и тивко со мала локална облачност.
Следува период на стабилно и суво време со ниски утрински температури, а дневните ќе бидат во постепен пораст, поради што снежната покривка на планините постепено ќе се намалува. По одделни котлини ќе има појава на магла со пониски дневни температури.
