Третиот понеделник во јануари се смета за најдепресивен ден во годината. Иако нема научни докази за да го поткрепат ова тврдење, таканаречениот Син понеделник стана популарна тема во медиумите, а многумина се согласуваат дека овој ден носи одредени предизвици.
„Прво од мене беше побарано да дојдам до денота за кој мислам дека е најдобриот за да резервирам летен одмор. Кога почнав да размислувам за мотивациите за резервација на одмор, сеќавајќи се што ми кажаа илјадници луѓе за време на работа или работилници, овие фактори укажаа на на „дека третиот понеделник во јануари е особено депресивен“, објасни тој за Дејли Телеграф во 2013 година.
Формулата на Арнал е [W + (D – d)] x TQ / M x Na. W претставува време, D претставува долгови, d претставува месечна плата, T претставува време од Божиќ, Q претставува време кога се откажавме од нашите новогодишни одлуки, M го претставува нивото на мотивација, а Na го претставува чувството дека треба да преземеме некоја акција.
Иако формулата на Арнал често е критикувана поради недостатокот на научна основа, таа укажува на комбинација на фактори кои можат да влијаат на нашето расположение.
Пократки зимски денови со мала сончева светлина, враќање на рутината по празниците и финансиски притисоци може да придонесат за чувство на депресија. Дополнително, јануари е месец кога многумина се чувствуваат како да не ги постигнале своите новогодишни одлуки, што може дополнително да ја намали самодовербата.
Како да го преболите Синиот понеделник?
Ако се чувствувате очајно, важно е да запомните дека не сте сами и дека постојат едноставни чекори што можете да ги преземете за да ви помогнат да го пребродите овој ден.
Поминете време на свеж воздух: Прошетка или која било друга активност на отворено може да ви помогне да се чувствувате подобро. Изложеноста на природна светлина, дури и во облачни денови, може позитивно да влијае на расположението.
Поврзете се со саканите: Разговорот со пријателите или семејството може да биде исклучително терапевтски. Споделувањето на чувствата и смеењето со саканите може да го намали стресот и депресијата.
Поставете мали цели: Наместо да се фокусирате на големи обврски, одберете неколку помали задачи кои можете да ги постигнете во текот на денот. Чувството на постигнато, дури и мало, може значително да го подигне вашето расположение.
Разгалете се: Денес е вистинско време да направите нешто за себе. Без разлика дали станува збор за топла бања, читање омилена книга или гледање филм, важно е да посветите време на активности кои ве прават среќни.
Практикувајте благодарност: Одвојте неколку минути за да ги запишете работите за кои сте благодарни. Овој едноставен процес може да ви помогне да го префрлите вашиот фокус од негативните мисли на позитивните аспекти од вашиот живот.
Вежбајте: Докажано е дека физичката активност го зголемува нивото на ендорфин, хормоните на среќата. Дури и 15 минути лесно вежбање може да направи голема разлика.
Извор: nezavisen.mk
