Парите не се единственото нешто што го мотивира некој да се претстави добро на својата работа, но со сигурност важат за еден од посилните фактори за тоа.
Платите на вработените се важна деловна одлука донесена од страна на лидерите во компаниите и менаџерите за човечки ресурси. Кога се одредуваат платите, во предвид се земаат голем број фактори: тековните и идните приходи на компанијата, опортунитетната вредност на парите кои одат кај вработените наместо на некое друго место, влијанието на платите врз процесот на вработување и слично.
Овие одлуки се толку круцијални поради влијанието на платата врз искуството што вработениот го има во компанијата. На вработените, парите им се важни бидејќи им овозможуваат да го одржат својот приватен живот, а од нив зависат и голем број на одлуки кои се надвор од работата. Тие се, исто така, една од клучните работи што луѓето ги земаат предвид кога одлучуваат каде да работат.
Запомнете дека вашите вработени се тие кои го водат бизнисот напред па ако нивните приходи влијаат на нивната стабилност, тоа на некој начин ќе влијае и на нивната продуктивност. Тоа значи дека нивната плата е директно поврзана со успехот на вашата компанија.
Токму затоа логично е да ги плаќате вашите вработени над просечната плата во индустријата. Еве шест причини зошто тоа ќе ги зголеми резултатите на вашиот бизнис и фактички ќе ги намали трошоците:
- Вистинските таленти се во ограничен број
- Натпросечна плата значи натпросечни очекувања од вработениот
- Ќе се подобри имиџот на компанијата
- Вработените нема да сакаат да си заминат
- Вработените ќе бидат повеќе фокусирани на работата
- Ќе ви требаат помалку вработени за да се заврши работата
