Понеделник е совршен ден за да ја пронајдете вашата работа од соништата! Најголемиот број огласи се објавуваат токму денес, а вие, одморени по дводневната викенд пауза, се чувствувате 100% спремни да се впуштите во потрага по (нова) работа! Затоа, порталот Vrabotuvanje.com понеделнички ќе ве освежува со најатрактивните огласи за вработување кои никако не смеете да ги пропуштите. Погледнете ги огласите кои оваа недела ги издвоивме специјално за вас!
Дали сте подготвени за интернационална кариера во медицински установи во државата Кувајт кои нудат одлични услови за работење со најсовремени медицински апарати, можности за доедукација и надоградба на нови техники и методи на работа, како и работа во интернационални тимови? Quintessential Solutions International за својот клиент Dhaman (кувајтска компанија за здравствено осигурување основана од Министерска уредба) е во потрага по Медицински кадар за работа во Кувајт за вработување на повеќе работни позиции. Компанијата нуди плата до 10.000 евра и вклучени надоместоци за транспорт, храна и останати потреби.
Европската банка за обнова и развој (ЕБРД), меѓународна институција основана во 1991 година со цел финансирање на структурни проекти во поранешните социјалистички земји од Централна и Источна Европа, има активен оглас за Директори, Регионални координатори во Македонија, Србија, Босна и Херцеговина, Албанија и Косово.
Ако имаш основно познавање на JavaScript, CSS3 и HTML и искуство со Microsoft stack, ASP.NET MVC, MsSQL / MySQL, ORM технологии и LINQ, аплицирај на огласот за Програмер во Клиничката болница “Жан Митрев“ и зграпчи ја одличната можност за вработување со нето плата од 120.000 денари!
Мајворлд Македонија, лидер во секторот за изработка на лојални програми за потрошувачи и трговци и дел од светската групација на myWorld која е присутна во 47 земји, вклучувајќи ја и Македонија, има потреба од Сметководител. Доколку се гледате себеси во интернационална компанија која освен можност за работа во модерни услови, нуди и плата во висина од 60.000 денари, исплата на 13-та плата, службен мобилен телефон и опции за развој и надоградување, испратете ја вашата кратка биографија на огласот најдоцна до 27 ноември 2019.
Октопус ДОО, хрватска компанија специјализирана во геотехнички работи на височини и на непристапни места, нуди почетна плата од 500 до 1500 евра за Градежни работници со или без работно искуство кои ќе имаат можност за посета и работа на различни места насекаде низ Балканот.
Групацијата ТИТАН повеќе од еден век успешно го продолжува својот раст, со особена почит кон поединецот, општеството и животната средина. Таа ги смета своите човечки ресурси за клучен фактор за одржлив развој и се потпира на вештините и залагањата на своите луѓе од сите нивоа на корпоративната хиерархија. Цементарница УСЈЕ АД Скопје е во потрага по Софтверски инженер кој ќе биде дел од ИТ тимот задолжен за анализа, развој и имплементација на нови апликации и проекти во рамките на Групацијата ТИТАН. Работното место предвидува нето плата од 60.000 денари, бонус за успешно работење, приватно здравствено осигурување, обуки за стекнување на спецификации, стипендии за магистерски и МБА студии и можност за понатамошен кариерен развој на менаџерски и лидерски позиции во компанијата и проект менаџмент позиции во Групацијата ТИТАН.
Барате одлично платена работа со минимум средно образование? Пријавете се на активните огласи од гостилница Скара Бар и заработете почетна нето плата од 40.000 денари како Кувар, 30.000 денари како Помошник готвач или 25.000 денари како Салатер/ка.
IP Home & Office, иновативна информатичка компанија специјализирана за развој на паметни решенија базирани на Internet of Things која работи на кул и иновативни проекти кои ги инспирираат и мотивираат вработените да го извлечат најдоброто од себе, објави голем оглас за вработување на повеќе нови позиции. Доколку сакате да работите во креативна и пријатна средина која нуди силен поттик за личен развој и професионален напредок, погледнете го огласот и испратете ја вашата апликација.
Не успеавте да пронајдете нешто за себе? Над 350 активни огласи ве чекаат тука.
