Неспорно е дека на почетокот на вашата кариера или на (секоја) прва работа, треба да дадете сè од себе и да се докажете како сигурен, вреден вработен кој е секогаш подготвен да преземе дополнителни одговорности без приговори кон претпоставените.
Се разбира, во екстремни ситуации треба да го покажете ставот и претпоставениот треба да биде информиран дека навистина сте пренатрупани со обврски и квалитетот на сработеното може да претрпи како резултат на дополнителни активности.
Разгледајте ги овие неколку паметни потези во кариерата, кои дефинитивно ќе се исплатат подоцна!
Дополнителни одговорности
Останување прекувремено, службени патувања, повремена работа во странство им го олеснува патот на младите луѓе, без семејства и деца, затоа прифатете ги овие можности ако ви се понудат! Ќе се развивате како личност, ќе стекнете нови знаења, но исто така ќе ја пополните биографијата со работи коишто сте ги извршувале.
Колегите не се конкуренти, туку “извор на знаење“
Нова работа, нови задачи, нови колеги… . Но, колегите на работа треба да се сметаат како еден вид извор на знаење, а не како конкуренција. Луѓето кои се подолго во организацијата можат да ве научат многу работи.
Ако сте замена за еден од колегите и вие изведувате дел од нивната работа, тогаш секако ќе наидете на коментари, критики и предлози за подобрување, затоа што тие луѓе пред вас ја завршувале истата работа за одредено време. Не ги земајте овие коментари за зло или премногу лично. Тие само сакаат да ве научат на работата колку што е можно повеќе, да влезете во бизнисот што е можно поскоро и да ги преземете одговорностите.
Останете во контакт со колегите од факултет
По дипломирање, останете во контакт со колегите од факултет, поврзете се со нив на социјалните мрежи, затоа што никогаш не знаете кога ќе ги сретнете на службено патување. Повремено, пијте кафе заедно и ако барате нова работа, слободно разгласете го на вашите познаници. Останете во добри односи со сите затоа што никогаш не знаете кој од нив може да биде вашиот колега или можеби вашиот работодавец.
Не пропуштајте прилики
Ако вашиот претпоставен е подготвен да ви плати за дополнително образование, на странски јазик или нешто што е тесно поврзано со работата што ја работите – искористете ја оваа можност. Посетувајте часови редовно, бидете активни, затоа што сигурно ќе треба да го примените на работното место по завршувањето на обуката, но и да направите евалуација на образовните перформанси. Посетувајте настани поврзани со вашата област бидејќи таму може да запознаете луѓе од вашата бранша.
