Дневната статистика на сајтот на Агенцијата за вработување покрај бројот на слободни места кој во зависност од денот се движи од 6 до 13 илјади ни овозможува и преглед на слободни работно места по категории како што се: слободни работни места по центир и слободни работни места по дејности.
Исто така, на оваа веб страна во секое време може да се добијат информации за најбараните занимања во земјата во зависност од бројот на објавени огласи за слободни работни места. Па така, во моментов постојат скоро 1.300 слободни работни места за хигиеничари на станбен и деловен простор, а веднаш потоа следи продавач со близу 600 слободни места за оваа позиција.
Во топ 5 листата влегуваат и општ работник (328 слободни места), келнер (277 слободни места) и возач на такси (251 слободно место).
На листата на најбарани занимања се наоѓаат и шивач (193 слободни места), касиер (170 слободни места), магационер (161 слободно место), шанкер (115 слободни места) и готвач (108 слободни места).
За да ги видите останатите 15 занимања од листата на 25 најбарани професии, кликнете на следниот линк.
