Преостануваат уште две недели за исплата на регресот за годишен одмор, попознат како К-15 кој им следува на вработените во приватниот сектор.
Регресот за годишен одмор е законски уредена обврска за работодавците од приватниот сектор и се исплатува еднаш во текот на една календарска година, најчесто тоа е на крајот од годината.
Право на овој надоместок имаат вработените во приватниот сектор кои работеле кај истиот работодавач најмалку шест месеци во текот на годината.
Минималниот износ треба да изнесува најмалку 40 проценти од висината на просечната нето плата, а максималниот до 40 проценти од висината на просечната бруто плата.
Според последните информации за платите на Државниот завод за статистика, износот на К-15 за 2020 година треба да се движи од 10.956 до 16.349 денари.
Крајниот рок за исплата на регресот за годишен одмор за работодавците е 31 декември 2020 година.
