Револтиран маж од Либан земал како заложници девет банкарски работници, барајќи од нив да повлечат 50.000 долари од неговата штедна книшка. Локалните медиуми објавиле дека исплашениот персонал му дозволил да извади дел од заштедата која, како што рече, му била потребна за робата во неговото кафуле.
Саја е прогласен за „херој“ од многумина во земјата, бидејќи во Либан, од октомври 2019 година, ви е дозволено да подигнете ограничен износ на готовина од вашата сметка.
Мерката беше воведена од локалните власти со цел да се избегнат гужвите пред банките откако валутата во земјата - лирата - почна да девалвира. Потоа следеше економски крах во кој лирата девалвираше за 95% во последните 2 години. Стапката на сиромаштија се зголеми, а во 2021 година ОН процени дека 78% од Либанците живеат под прагот на сиромаштија.
Банкарските синдикати тврдат дека постапките на Саи ја загрозуваат работата на луѓето кои работат во филијалите на банките низ целата земја и побараа локалните власти да ги зголемат безбедносните мерки за да спречат слични инциденти.
Саи е во притвор и наводно започнал штрајк со глад, објавија локалните медиуми.
Либанската влада е во преговори со меѓународните донатори за да и помогнат на земјата. Системот на поделба на власта меѓу шиитите, сунитите и христијаните - воспоставен за да се обезбеди застапеност на сите национални и верски групи во земјата - доведе до корупција, непотизам и ја остави економијата во урнатини.
