ФИНА во јули минатата година објави дека ќе размисли дали може да се користи производот „Soul cap“ дизајниран да се носи доколку имате плетенки или афро фризура.
Одлуката е донесена откако некои медиуми ја цитираа Меѓународната пливачка федерација дека капата не може да се користи на минатогодишните Олимписки игри во Токио бидејќи не одговара на „природната форма на главата“.
„Промовирањето на различноста и инклузивноста е во срцето на работата на Федерацијата и многу е важно сите спортисти во вода да имаат пристап до соодветни костими за капење“,изјавија од Федерацијата.
Афро пливачите се побројни во елитното пливање, додека овој спорт се стреми да ги разбие социо - економските бариери.
