Германскиот министер за здравство прогласи крај на епидемијата на коронавирус во таа земја.
На полноќ во Германија истече условот за носење заштитни маски, како и важноста на другите мерки против корона. За првпат по три години нема да има повеќе владини ограничувања поврзани со епидемијата, објави денеска „Франкфуртер алгемајнехтунг“.
До неодамна посетителите на болниците и домовите за стари лица мораа да носат маска FFP2, а истото важеше и за пациентите и посетителите на медицинските ординации и установите за дијализа.
Тие правила сега се укинати од германската држава, но медицинските установи сè уште можат да бараат да се носат маски и не е јасно колку објекти ќе го искористат тоа.
Шефот на Националната асоцијација на лекари за задолжително здравствено осигурување, Андреас Гасен, рече дека медицинската пракса може да го регулира носењето маски во рамките на правилата за секоја здравствена установа посебно.
