Сезоната за посета на Грција е во полн ек, а доколку патувате таму треба да знаете дека во периодот што доаѓа ќе се пуштат во употреба 4.000 камери кои ќе ги ловат сообраќајните прекршоци. Летната сезона е веднаш зад аголот, а со тоа доаѓаат и одморите во соседна Грција.
Во грчката престолнина веќе работат првите камери кои ги препознаваат регистарските таблички на секое возило и ја снимаат брзината на движење. Камерите работат континуирано и се поврзани со Центарот на сообраќајната полиција.
Наскоро ќе се зголемат и казните за прекршоци. Ако дозволената брзина се надмине за 20 километри, сега казната е 40 евра, а над 20 километри разликата е 100 евра. Овие казни ќе се удвојат.
Треба да се има предвид дека за брзо возење на автопати, казната е веќе 350 евра!
Грција наскоро ќе воведе ограничување на брзината во градовите до 30 км/ч, по примерот на другите европски земји.
