Секое лето се повторува дилемата колку крем за сончање е доволно за едно нанесување. Строгите и важни правила за заштита од УВ зраците се уште се непознати за многумина од нас, па затоа дерматолозите го имаат последниот збор.
„Американската академија за дерматологија продолжува да препорачува SPF 30 бидејќи клинички е докажано дека е доволна количина на заштита за да се намалат или минимизираат штетните ефекти на сончевата светлина“, вели дерматологот Дејвид Колберт од Њујорк.
Џошуа Цајнер, директор на козметички и клинички истражувања во дерматологијата во болницата Маунт Синаи во Њујорк, додава дека кога се користи правилно, има мала разлика помеѓу крема за сончање со SPF 30 или нешто со повисока заштита.
„Реално, не нанесуваме крема за сончање колку што треба и не нанесуваме доволно често. Ова на крајот значи дека вредноста на SPF е разредена. Затоа повисок заштитен фактор служи како безбедносна мрежа која обезбедува највисок квалитет на заштита за најдолг временски период“, вели Цајнер.
Колку да ставате на телото, а колку на лицето?
Експертите велат дека за едно нанесување на телото треба да се намачкаме со околу 30 милилитри крем или колку една мала чашка.
Дерматологот Кармен Кастиља од Њујорк предлага да се следи правилото „два прста“ за лицето и вратот. Нанесете крема за сончање по должината на показалецот и средниот прст. Оваа количина ќе обезбеди заштита на вашето лице и врат.
„Навистина нема никаква штета во нанесувањето дополнителна заштита од сонце, па ако не сте сигурни дека сте соодветно заштитени, само нанесете повеќе“, вели таа.
Би можело да ве интересира: ДАЛИ ПОВИСОК ЗАШТИТЕН ФАКТОР ЗНАЧИ ПОДОБРА ЗАШТИТА?
Важно е да се напомене дека кремот за тело не треба да го користите и за вашето лице, туку треба да имате два посебни производи.
Исто така, идеално е да го нанесувате заштитниот фактор на секои два часа или почесто доколку се влегувате во вода или многу се потите.
А кога ќе се направи едноставна пресметка, следува прилично големо изненадување. Ако сте на море 10 дена и секој ден поминувате во просек по шест часа на плажа, тоа се минимум три нанесувања, односно 90 милилитри крем дневно. Помножете се со десет, тоа значи дека ни требаат 900 милилитри крема за сончање и тоа е само за телото.
Просечниот крем има 200 милилитри, така што треба да потрошите околу четири пакувања по човек на море.
