Аеродромот планиран во близина на Варшава би можел да го добие својот прв лет во 2032 година и ќе може да опслужува 34 милиони патници годишно.
По неизвесната ситуација по смената на власта во Полска, реномираната британска архитектонска канцеларија Foster + Partner достави планови за транспортниот центар CPK (Centralny Port Komunikacyjny), малку изменети во однос на претходните.
Градежните работи може да започнат во 2026 година, а предавањето на првата фаза на објектот, кој може да опслужува 34 милиони патници годишно, е планирано за 2032 година, пишува порталот Авио прес.
Терминалот од 450.000 метри квадратни ќе може да прими најмногу 11.000 патници на час.
Првично ќе има 140 шалтери за пријавување на патници и багаж, кои подоцна ќе се прошират на 170.
Извор: „Фактор.мк“
