Туристите кои го посетуваат шпанскиот остров Тенерифе се предупредени дека може да бидат сериозно казнети за секојдневни активности.
Локална жителка на Санта Круз беше казнета со 1.500 евра затоа што хранела гулаби, а полицијата дури наведе дека била „повторен прекршител“.
Според властите, хранењето на гулаби на јавно место претставува сериозен прекршок, а законите за заштита и поседување на животни се клучни за јавното здравје.
„Поради сите овие причини, не можеме да дозволиме однесување кое влијае на нашиот соживот и создава здравствени проблеми во градот“, изјави градоначалникот на Санта Круз, Хосе Мануел Бермудез.
Се истакнува дека жената била повеќепати предупредена да не ги храни гулабите пред да ѝ биде изречена казната.
Општо земено, се смета дека не треба да се хранат птиците за да се спречи ширењето на болести или предизвикување на материјална штета и непријатности.
Каде сè не смее да се хранат гулабите?
На плоштадот Свети Марко во Венеција хранењето гулаби е забрането уште од 2008 година, а оние што ќе го прекршат ова правило можат да бидат казнети со до 500 евра.
Хранењето гулаби е забрането во одредени делови на Париз, особено во центарот на градот.
Во германскиот Берлин, исто така, не е дозволено хранење на птици на јавни места, особено на станиците на јавниот превоз. Слични правила важат и за Виена и Лондон.
Извор: eupravozato.mondo.rs
