Вести

За 10 отсто се зголемила просечната плата во септември во однос на истиот месец лани. Државниот завод за статистика пресмета дека вработените во просек земаат по 41.585 денари плата или 3.700 денари повеќе од септември 2023та.

Климатските промени сè повеќе се чувствуваат и врз земјоделството, оставајќи ги земјоделците да се справуваат со доцни мразеви, долги суши и екстремни временски услови. Овие промени, според агрометеоролозите, веќе силно удриле врз приносите и врз квалитетот на овошјето и зеленчукот.

Фондот за здравствено осигурување на Македонија има сознанија дека се појавија лажни пораки, кои им се праќаат на граѓани по електронски пат, на електронската пошта, од името на ФЗО.

И покрај бројните апели, планови и ветувања за намалување на загаденоста, Скопје никако да се ослободи од гушливиот воздух. Вечерва нашиот град повторно се најде на неславното 10-то место во светот по загаденост, според меѓународните извештаи за квалитетот на воздухот.

Коордеа, водечка шведска аутсорсинг компанија со седиште во Стокхолм и канцеларии во Тетово и Скопје на 1 ноември 2024 година ја прослави својата 15-та годишнина со незаборавен настан, на кој беа одбележани достигнувањата и успехот на компанијата. Основана во 2009 година, Коордеа прерасна од специјализиран снабдувач на сметководствени услуги за Нордискиот пазар во компанија што нуди широк спектар на услуги, вклучувајќи ИТ, маркетинг, дизајн, логистика и продажба.