Истражувачите го откриле идеалното време за тренинг во вечерните часови

На сите нам ни е добро познато дека кога сме физички активни во текот на денот, можеме полесно да заспиеме навечер. Едно ново истражување се фокусирало токму на оваа врска помеѓу квалитетот на сонот и физичкиот напор. Авторите на студијата сакале да откријат кое е најидеалното време за вежбање во вечерните часови.

Истражувањето било спроведено од страна на научници на канадскиот универзитет Конкордија. Учесниците кои биле дел од експериментите, биле претежно помлади и средовечни луѓе, а биле земени предвид нивниот начин на живот, здравствената состојба и физичката форма.

„Сè на сè, нашата анализа покажа дека кај луѓето кои го завршуваат својот тренинг два часа пред спиење се забележува подобрување на квалитетот на сонот“, изјави водечкиот автор на студијата, Емануел Фримпонг, додавајќи: „Од друга страна, на учесниците кои одеа на спиење помалку од два часа по завршување на тренингот, им требаше повеќе време да заспијат, а и нивниот сон траеше пократко“.

Истражувачите откриле и дека возењето велосипед може да биде корисен вид на рекреација, бидејќи луѓето кои се занимаваат со оваа активност имаат поцврст сон. Покрај тоа, научниците откриле и дека интензивните тренинзи кои траат од 30 до 60 минути исто така можат да придонесат за добар сон. Нивниот заклучок е:

„Нашата препорака е доколку вежбате навечер, правете го тоа што е можно порано, за да не го намалите квалитетот на вашиот сон. Пожелно е вашиот тренинг да заврши најмалку два часа пред спиење“.

Занимливости

Новото истражување покажа дека мажите се почувствителни на болка од жените
Долго време, дебатата за перцепцијата на болката меѓу мажите и жените е предмет на проучување во областа на медицината и психологијата.
Збор на годината на „Речникот Колинс“ е: „brat“
Зборот што ја одбележа 2024 година, според англискиот „Речник Колинс“ е именката „brat“. Поимот, според Речникот, означува „самодоверба, независност и хедонистички став“, а доколку се користи за млади, именката се однесува на „неприспособлив, невоспитан, разгален“. Во буквален превод на македонски, овој збор значи: „детиште“.
Една од најсреќните земји во светот сега плаќа на луѓето да се преселат таму
Швајцарската влада ги повикува младите лица под 45 години да добијат 20.000 CHF (21.500 евра), плус дополнителни 10.000 CHF (10.800 евра) за секое дете, доколку се населат во алпското село Албинен.
Зошто лебот не треба да се чува во пластични кеси?
Многу луѓе сметаат дека пластичните кеси се практично решение за чување на остатоците од лебот, бидејќи тие помагаат да остане свеж. Сепак, ова не е најдобриот начин да се зачува квалитетот на лебот.
Цел живот погрешно играме „Монопол“: Дали ги знаете овие правила?
Класичната друштвена игра „Монопол“, за која често се мисли дека е бесконечна, всушност, има крај кој не вклучува само расправии околу улогата на банкарот или спорови околу „киријата“ по стапнувањето на туѓ имот. И покрај многуте тематски изданија, основните правила остануваат исти. Официјалните упатства опфаќаат сценарија, на пример, што да се прави кога банката ќе остане без пари и можноста за собирање пари во затвор.
Постојат ли езера без дно?
Езерата со импресивни длабочини или уникатни геолошки карактеристики честопати се погрешно претставени како „езера без дно“.