Идните генерации на Apple Watch ќе ја мерат глукозата во крвта

Уште додека со Apple управуваше Стив Џобс компанијата ги направи првите чекори за развој на уреди и технологија за мерење на глукозата во крвта без потреба од боцкање.

Пред 13 години ја презедоа компанијата RareLight, која развива технологија за неинвазивно мерење на глукозата, а во 2015 година компанијата стана дел од Exploratory Design Group (XDG), односно одделот на Apple за развој на тани проекти.

Низ годините по интернет се појавија различни гласини за плановите на Apple на овој пазар, но од компанијата уште не објавија никакви официјални информации за технологијата на којашто работат. Сепак, благодарение на новинарите на Bloomberg дознаваме дека после повеќе од една деценија развивање на технологијата сега Apple успеа да создаде технологија која ќе го поремети пазарот за мерење и следење на глукозата.

На тој проект работат стотина инженери и нивниот пристап во решавање на проблемот, односно развојот на технологија која би можела континуирано да го следи нивото на шеќер во крвта е поинаков во однос на постојните уреди.

Apple има поинаков пристап, користејќи технологија за чипови позната како силиконска фотоника и процес на мерење кој се нарекува оптичка апсорпциска спектроскопија. Системот користи ласери за емитување специфични бранови должини на светлина во делот под кожата каде што се наоѓа интестициската течност, односно течноста која тече од капиларите, а кои можат да ја апросбираат глукозата. Светлината потоа се рефлектира назад на сензорот на начин кој ја покажува концентрацијата на глукозата. Алгоритамот го одредува нивото на глукозата во крвта, се вели во објаснението на технологијата.

За почеток оваа технологија би се користела во уреди со големина на iPhone, кои би можеле да се носат на надлактицата и податоците би ги испраќале до iPhone или Apple Watch. Од компанијата се надеваат дека оваа технологија ќе успеат да ја имплементираат во уреди со толку мали димензии за Apple Watch да може да стане алатка за мерење на глукозата.

Apple допрва треба да направи концепт базиран на оваа технологија, но благодарение на искуството и постигнатиот напредок, Кук и неговиот тим се уверени дека се на добар пат да го пореметат пазарот.

Извор: inovativnost.mk

Занимливости

Новото истражување покажа дека мажите се почувствителни на болка од жените
Долго време, дебатата за перцепцијата на болката меѓу мажите и жените е предмет на проучување во областа на медицината и психологијата.
Збор на годината на „Речникот Колинс“ е: „brat“
Зборот што ја одбележа 2024 година, според англискиот „Речник Колинс“ е именката „brat“. Поимот, според Речникот, означува „самодоверба, независност и хедонистички став“, а доколку се користи за млади, именката се однесува на „неприспособлив, невоспитан, разгален“. Во буквален превод на македонски, овој збор значи: „детиште“.
Една од најсреќните земји во светот сега плаќа на луѓето да се преселат таму
Швајцарската влада ги повикува младите лица под 45 години да добијат 20.000 CHF (21.500 евра), плус дополнителни 10.000 CHF (10.800 евра) за секое дете, доколку се населат во алпското село Албинен.
Зошто лебот не треба да се чува во пластични кеси?
Многу луѓе сметаат дека пластичните кеси се практично решение за чување на остатоците од лебот, бидејќи тие помагаат да остане свеж. Сепак, ова не е најдобриот начин да се зачува квалитетот на лебот.
Цел живот погрешно играме „Монопол“: Дали ги знаете овие правила?
Класичната друштвена игра „Монопол“, за која често се мисли дека е бесконечна, всушност, има крај кој не вклучува само расправии околу улогата на банкарот или спорови околу „киријата“ по стапнувањето на туѓ имот. И покрај многуте тематски изданија, основните правила остануваат исти. Официјалните упатства опфаќаат сценарија, на пример, што да се прави кога банката ќе остане без пари и можноста за собирање пари во затвор.
Постојат ли езера без дно?
Езерата со импресивни длабочини или уникатни геолошки карактеристики честопати се погрешно претставени како „езера без дно“.