Патувањето од деловни причини треба да се пресмета во работни часови, а за истото работодавачот мора да плати – одлучи Федералниот суд во Германија
Федералниот суд за трудот (BAG) одлучи дека работниците кои мораат често да патуваат или се испратени во странство поради деловни причини, имаат право на екстра надоместок од својот работодавач.
“Ако работодавачот постојано го испраќа својот работник во странство, патувањата до и надвор од работното место се сметаат за активности кои се исклучиво во интерес на работодавачот и одтука произлегува правото на работникот да бара надомест“, стои во одлуката на Судот.
Оваа одлука доаѓа по случајот кој го поведе германски работник од Рајнланд-Палатинате откако неговиот шеф го испратил на работа во Кина.
Како градежен инженер кој имал задача да посети градилиште во Кина, вработениот добивал само надоместок за осумчасовно работно време без притоа да се пресмета времето потрошено во авион кое неделно изнесувало околу 37 часа.
Како и да е, работникот не бил потполно во право при аргументацијата бидејќи побарал да лета во бизнис класа која задолжително запира во Дубаи, а не економична класа која оди директно во Кина.
