Во театарот Плаза во Атланта во САД, во текот на реновирање на тоалетот, бил пронајден паричник кој повеќе од 65 години лежел заборавен зад еден од ѕидовите.
Сопственикот на театарот одлучил да се обиде да го пронајде сопственикот, или барем неговото семејство, за да го врати пронајдениот паричник полн со спомени.
Наградна игра која можела да освои нов автомобил „Chevrolete“ од 1959-та година, картички од банка, црно-бели семејни фотографии – Сето тоа било во паричникот кој лежел заборавен 65 години.
Работниците во текот на реновирањето откриле скриен простор зад ѕид во тоалетот. Кожениот паричник лежел под брдо прашина. Сопственикот на театарот Крис Ескобар одлучил да го пронајде сопственикот или барем неговото семејство.
Додека ја прегледувал содржината на заборавениот паричник, открил дека некогаш и припаѓал на Флој Колберт. Со помош на сопругата ја пронашол посмртницата на нејзиниот сопруг Рој Колберт, а потоа наишле на веб-страница на хуманитарен голф турнир „Колберт Куп“. Така влегле во трага на неговата ќерка Теа Чембрлен.
„Беше многу емотивно. Поплава од чувства се вратија и овој паричник на некој начин ја врати мајка ми“, рекла среќната ќерка.
Во паричникот дури и пронашла некои свои работи, вклучувајќи полиса за осигурување и лекарска потврда. Теа моментално има 71 година, имала шест години кога нејзината мајка го изгубила паричникот.
Рекла дека можела точно да замисли како нејзината мајка се надевала дека ќе го освои автомобилот од споменатата наградна игра.
