Непријатното чувство на страв, беспомошност, несигурност, кое обично е придружено со губење на воздух, вртоглавица и забрзано чукање на срцето, го парализира целиот организам во моментот на нападот.
И покрај застрашувачкото чувство, нападот на паника е сепак само минливо чувство и најважно е што побрзо да се смири нервниот систем. Во последните години техниката 333, како што ја нарекоа научниците, е исклучително популарна. Експертите велат дека тоа е едноставна вештина која лесно се памети и може да се искористи во моменти кога нешто предизвикува чувство на нервоза.
Професионалците во ChoosingTherapy велат дека препознавањето на она што го гледате и слушате наоколу може да помогне да се смират нападите на паника, помагајќи ви да се „приземјите“ и да станете свесни за моменталната ситуација. Техниката 333 налага дека во моментот на напад на паника треба да го пронајдете и идентификувате следново:
три работи што можете да ги видите
три работи што можете да ги слушнете
три работи што можете да ги допрете
Според експертите, оваа техника ќе ви помогне да го префрлите фокусот на нешто друго, наместо на напад на паника, така што полесно ќе станете свесни за она што ве опкружува. Сепак, како и сите техники, ова не е загарантирано да им помогне на сите со овој тип на напад, но во секој случај, најважно е да се избегнат предизвикувачите.
